Aarambham: ఎమోషనల్ థ్రిల్లర్ ‘ఆరంభం’.. ట్రైల‌ర్ మాత్రం సూప‌ర్

మోహన్ భగత్ (Mohan Bhagath), సుప్రిత సత్యనారాయణ్ (Supritha Sathyanarayan), భూషణ్ కళ్యాణ్, రవీంద్ర విజయ్ (Ravindra Vijay) కీలక పాత్రల్లో నటించిన సినిమా ఆరంభం (Aarambham). ఈ సినిమాను ఏవీటీ ఎంటర్ టైన్ మెంట్ బ్యానర్ పై అభిషేక్ వీటీ నిర్మించారు. అజయ్ నాగ్ వి దర్శకత్వం వహించారు. ఎమోషనల్ థ్రిల్లర్ గా తెరకెక్కిన "ఆరంభం" సినిమా మే 10న గ్రాండ్ థియేట్రికల్ రిలీజ్ కు రాబోతోంది. ఇవాళ ఈ సినిమా ట్రైలర్ విడుదల కార్యక్రమాన్ని హైదరాబాద్ ప్రసాద్ ల్యాబ్స్ లో నిర్వహించారు.

ఈ కార్యక్రమంలో నిర్మాత అభిషేక్ వీటీ మాట్లాడుతూ - "ఆరంభం" సినిమా చేసేందుకు ముఖ్య కారణం మా నాన్న. ఆయన డబ్బులు ఇచ్చి నా డ్రీమ్ అయిన సినిమా ప్రొడక్షన్ లోకి పంపించారు. అందుకు మా అమ్మా నాన్నకు థ్యాంక్స్ చెబుతున్నా. ఉజ్వల్ ఈ సినిమా కథను నా దగ్గరకు తీసుకొచ్చారు. ఆయన ద్వారా అజయ్ పరిచయం అయ్యారు. "ఆరంభం" సినిమా వెనక ఉన్న విజినరీ డైరెక్టర్ అజయ్. ఈ సినిమా ట్రైలర్ లో చెప్పినట్లు మనం చేసే ప్రయాణంలో మనతో ఉండే తోడు ఎవరేది చాలా ముఖ్యం. అలా నాకు ఈ సినిమా ప్రొడ్యూస్ చేసే ప్రయాణంలో టీమ్ మెంబర్స్ అంతా తోడుగా దొరికారు.

"ఆరంభం" ట్రైలర్ చూశారు కదా. సినిమా మీకు తప్పకుండా నచ్చుతుంది. మా మూవీ టీజర్ ను హీరో నాగ చైతన్య గారు రిలీజ్ చేశారు. ఆయనకు థ్యాంక్స్ చెబుతున్నాం. ఈ సినిమా మేకింగ్ టైమ్ లో ఇది పక్కా కమర్షియల్ ఎలిమెంట్స్ లేని సినిమా అని తెలుసు. కానీ కథ విన్నప్పుడు చాలా ఇంప్రెస్ అయ్యాను. ఈ సినిమాతో ఒక ప్రయత్నం చేయాలి అనిపించింది. మంచి కంటెంట్ ఉన్న సినిమాలకు ఆదరణ దక్కుతున్న రోజులు ఇవి. అలా "ఆరంభం" సినిమా కూడా సక్సెస్ అవుతుందని నమ్ముతున్నాం అన్నారు.

నటుడు రవీంద్ర విజయ్ మాట్లాడుతూ - నవలను బేస్ చేసుకుని రూపొందించిన సినిమా ఇది. స్క్రిప్ట్ మీద శ్రద్ధ పెట్టిన సినిమాలు తప్పకుండా బాగుంటాయి. "ఆరంభం" సినిమాకు మా డైరెక్టర్ అజయ్ కథా కథనాల మీద అలాంటి గుడ్ వర్క్ చేశాడు. ఈ మూవీలో నేను డిటెక్టివ్ క్యారెక్టర్ లో కనిపిస్తాను. ఈ మూవీలోని ప్రతి క్రాఫ్ట్ పనితనం ఆకట్టుకునేలా ఉంటుంది. ప్రేక్షకులకు కంప్లీట్ థియేట్రికల్ ఎక్సీపిరియన్స్ ఇచ్చే సినిమా ఇది. డ్రామా, సస్పెన్స్, హ్యూమన్ ఎమోషన్, సైన్స్ ఫిక్షన్ వంటి అంశాలు మెప్పిస్తాయి. మే 10న థియేటర్స్ కు వెళ్లి "ఆరంభం" మూవీని ఎంజాయ్ చేయండి. మనం లాక్ డౌన్ టైమ్ లో చిన్న సినిమాలన్నీ ఓటీటీకి వస్తాయి. పెద్ద సినిమాలు థియేటర్స్ లో చూడాలి అనుకున్నాం. కానీ ఈ ఏడాది మీరు గమనిస్తే చాలా చిన్న సినిమాలు కంటెంట్ బాగున్నవి థియేటర్ లో మంచి వసూళ్లు సాధించాయి. ఈ సినిమా కూడా ఆ లిస్టులో చేరుతుంది. అన్నారు.

దర్శకుడు అజయ్ నాగ్ (Ajaynag) మాట్లాడుతూ - కన్నడ నవల ఆధారంగా ఈ మూవీకి స్క్రిప్ట్ చేశాను. ఆ నవల రాసింది నా మిత్రుడే. లాక్ డౌన్ టైమ్ లో మా సొంతూరు వెళ్లి కథ సిద్దం చేసుకున్నా. ప్రొడ్యూసర్ గురించి చూస్తున్న టైమ్ లో నా కామన్ ఫ్రెండ్ ద్వారా అభిషేక్ పరిచయం అయ్యారు. అలా ఈ మూవీ బిగిన్ అయ్యింది. మేమంతా కొత్త వాళ్లం. షూటింగ్ ఎలా చేయాలో తెలుసు గానీ ఆర్టిస్టులను కంఫర్ట్ గా ఉంచడం ఎలాగో తెలియదు. వెస్ట్రన్ ఘాట్స్ లొకేషన్స్ లో షూట్ చేశాం. మా కొత్త టీమ్ తో ఇబ్బందులు ఉన్నా ఆర్టిస్టులు అంతా సపోర్ట్ చేశారు. ఆరంభం సినిమా కథను లైన్ గా చెప్పాలంటే ఇద్దరు ఖైదీలు జైలు నుంచి తప్పించుకుంటారు. వారి కేసు ఇన్వెస్టిగేషన్ కోసం ఇద్దరు డిటెక్టివ్ లు రంగంలోకి దిగుతారు. వారికి ఒక డైరీ దొరుకుతుంది. ఖైదీల గురించి ఆ డైరీలో ఏముంది. వాళ్లు దొరికారా లేదా అనే ఇంట్రెస్టింగ్ గా సాగే స్టోరీ. మెయిన్ గా సినిమాలో డ్రామా ఉంటుంది. ఒక జానర్ లో కాకుండా వివిధ జానర్స్ లో ఉండే మూవీ ఇది. కన్నడలో ఈ నవల పాపులర్ అందుకే కన్నడలో కాకుండా తెలుగులో ఈ సినిమా చేశాం. తెలుగులో రిలీజ్ తర్వాత ఇతర భాషల్లోకి సినిమాను తీసుకెళ్తాం. అన్నారు.

హీరో మోహన్ భగత్ (Mohan Bhagath) మాట్లాడుతూ.. కథను నమ్మి నేను ఈ మూవీ చేశాను. ఈ సినిమాలో నా క్రెడిట్ ఏం లేదు. మా డైరెక్టర్ సజెస్ట్ చేసినట్లు నటించాను. నా క్యారెక్టర్ లో అన్ని షేడ్స్ ఉంటాయి. ఈ మూవీలో నేను చేసింది ఇంటెన్స్ క్యారెక్టర్ కాదు. సరదాగా సాగుతుంది. హ్యూమన్ ఎమోషన్స్, డ్రామా, సైన్స్ ఫిక్షన్ లాంటి అంశాలతో ఆకట్టుకునేలా సినిమా ఉంటుంది. ఇందులో మదర్ క్యారెక్టర్ కు ఇంపార్టెన్స్ ఉంటుంది. అమ్మ మనతో ఉన్నప్పుడు ఆమెతో ఎక్కువగా టైమ్ స్పెండ్ చేయము. వాళ్లు వెళ్లిపోయిన తర్వాత బాధపడతాం. అలా నాది, మా మదర్ క్యారెక్టర్ ఉంటుంది. సినిమా చూశాక చాలా కాన్ఫిడెంట్ గా ఉన్నాము. మీ అందరికీ ఆరంభం మూవీ తప్పకుండా నచ్చుతుంది. ఇలాంటి టీమ్ తో పనిచేయడం అదృష్టంగా భావిస్తున్నా. ఆరంభం సినిమా నా కెరీర్ కు మంచి ఆరంభం అవుతుందని ఆశిస్తున్నా. అన్నారు.