Thalaivar171: రజనీకాంత్, నాగార్జున, లోకేశ్ కనకరాజ్‌? వాట్ ఏ కాంబినేష‌న్‌
ABN , Publish Date - Apr 22 , 2024 | 09:36 AM
సూపర్‌స్టార్‌ రజనీకాంత్ సెన్షెష‌న‌ల్ డైరెక్టర్‌ లోకేష్ కనకరాజ్‌ కాంబినేషన్‌లో ఒక చిత్రం తెర‌కెక్కుతున్న సంగ‌తి తెలిసిందే.
సూపర్‌స్టార్‌ రజనీకాంత్ (Rajinikanth) సెన్షెష‌న‌ల్ డైరెక్టర్‌ లోకేష్ కనకరాజ్‌ (Lokesh Kanagaraj) కాంబినేషన్‌లో ఒక చిత్రం తెర‌కెక్కుతున్న సంగ‌తి తెలిసిందే. రజనీ 171 (Thalaivar 171)వ సినిమాగా రూపొందుతున్న ఈ చిత్రాన్ని సన్‌ పిక్చర్స్‌ బ్యానరుపై నిర్మాత కళానిధి మారన్‌ భారీ బడ్జెట్‌తో ఈ సినిమాను తెరకెక్కించనున్నారు. ఇప్పటికే ఈ చిత్ర ఫస్ట్‌లుక్‌ను నిర్మాణ సంస్థ విడుదల చేయగా, రజనీకాంత్ అభిమానులతో పాటు ప్రేక్షకుల నుంచి విశేష స్పందనను రాబట్టుకుంది. అయితే ఈ సినిమా టైటిల్‌ను ఈ రోజు (ఏప్రిల్ 22) సాయంత్రం విడుదల చేయ‌నున్న‌ట్లు లోకేశ్ త‌న సోష‌ల్ మీడియాలో తెల‌ప‌డంతో నెట్టింట ఇప్పుడు ఈ వార్త బాగా హ‌ల్‌చ‌ల్ అవుతోంది. #Thalaivar171TitleReveal అనే పేరిట టాప్‌లో ట్రెండింగ్ అవుతోంది.
తాజాగా ఈ చిత్రంలో కింగ్ నాగార్జున కీల‌క పాత్ర‌లో న‌టించ‌బోతున్న‌ట్లు వార్తలు వినిపిస్తున్నాయి. ఈ క్ర‌మంలో రెండు రోజుల క్రితం లోకేశ్ క‌న‌గ‌రాజ్ హైద‌రాబాద్‌కు వ‌చ్చి నాగార్జున‌కు స్టోరీ చెప్ప‌డం, అది న‌చ్చి ఆయ‌న గ్రీన్ సిగ్న‌ల్ ఇచ్చిన‌ట్లు సామాజిక మాధ్య‌మాల్లో న్యూస్‌ చ‌క్క‌ర్లు కొడుతోంది. అయితే ఈ వార్త‌ల‌పై అధికారికంగా ప్ర‌క‌ట‌న రావాల్సి ఉంది. దీంతో మునుపెన్న‌డు చూడ‌ని మ‌ల్టీస్టార‌ర్‌గా ఈ చిత్రాన్ని తెర‌కెక్కించ‌నున్న‌ట్లు స‌మాచారం. ఇప్పటికే రానా, ద‌ల్క‌ర్ స‌ల్మాన్ ఇందులో క‌నిపించ‌బోతున్న‌ట్లు తెలుస్తుండ‌గా ఇటీవ‌లే సీనియ‌ర్ న‌టి శోభ‌న (Shobana), శృతిహ‌స‌న్ కూడా ఈ చిత్రంలో భాగ‌మ‌వుతున‌ట్లు వార్తలు వినిపిస్తుండ‌డంతో ఈ సినిమాపై రోజురోజుకు అంచ‌నాలు మ‌రింత‌గా పెరుగుతున్నాయి. కాగా నాగార్జున తాజాగా ధ‌నుష్ హీరోగా రూపొందుతున్న కుబేరా సినిమాలోనూ కీల‌క పాత్ర పోషిస్తున్న సంగ‌తి తెలిసిందే.
అయితే.. ఈ చిత్రం టైమ్ ట్రావెల్ క‌థ అని కొంద‌రు, లోకేశ్ సినిమాటిక్ యూనివ‌ర్స్ చిత్రాల‌లోని రోలెక్స్‌కు రిలేటెడ్‌గా ఈ సినిమా ఉండ‌బోతుంద‌నే వార్తలు సోష‌ల్ మీడియాలో బాగా వైర‌ల్ అవుతున్నాయి. ఈ సినిమాకు తంగ‌మ్ అనే పేరు ఫైన‌ల్ చేసిన‌ట్లు తెలుస్తోండ‌గా జూన్‌లో ఈ సినిమా సెట్స్ పైకి వెళ్లి ఈ ఏడాది చివ‌ర‌కు సినిమాను విడుదల చేసేందుకు మేక‌ర్స్ ఫ్టాన్ చేస్తున్నారు. అన్బరివు స్టంట్స్‌, అనిరుధ్‌ రవిచంద్రన్‌ సంగీతం అందిస్తున్నారు. దీని త‌ర్వాత ‘ఖైదీ 2’ మొద‌లుపెట్ట‌నున్న‌ట్లు గ‌తంలో ఓ ఇంట‌ర్వ్యూలో లోకేష్ తెలిపాడు. రజనీకాంత్ (Rajinikanth) న‌టించిన తాజా చిత్రం వెట్ట‌యాన్ Vettaiyan (వేట‌గాడు) ఈ వేస‌విలో విడుదల కానుంది.