Aavesham OTT Update: పుష్ఫ విలన్ ఫహద్ ఫాజిల్ రూ.100 కోట్ల ’ఆవేశం‘.. తెలుగులో ఎప్పటినుంచంటే
ABN , Publish Date - May 03 , 2024 | 07:23 AM
ఇటీవల మళయాళం విడుదలై సంచలన విజయం సాధించిన, పుష్ఫ చిత్రంలో విలన్గా ఆకట్టుకున్న ఫహాద్ ఫాజిల్ హీరోగా వచ్చిన ఈ సినిమా అవేశం చిత్రం ఓటీటీ ప్రేక్షకులను అలరించేందుకు రెడీ అయింది.
![Aavesham OTT Update: పుష్ఫ విలన్ ఫహద్ ఫాజిల్ రూ.100 కోట్ల ’ఆవేశం‘.. తెలుగులో ఎప్పటినుంచంటే](https://media.chitrajyothy.com/media/2024/20240428/AVESHAM_2792f9bec3.jpg)
ఇటీవల మళయాళం విడుదలై సంచలన విజయం సాధించిన అవేశం (Aavesham) చిత్రం ఓటీటీ ప్రేక్షకులను అలరించేందుకు రెడీ అయింది. పుష్ఫ చిత్రంలో విలన్గా ఆకట్టుకున్న ఫహాద్ ఫాజిల్ (Fahadh Faasil) హీరోగా వచ్చిన ఈ సినిమా ఎలాంటి అంచనాలు లేకుండా విడుదలై కేరళలో రికార్డుల సృష్టాంచాందా. రూ వంద కోట్లకు పైగా కలెక్షన్లు కొల్లగొట్టింది. ఈ ఏడాది ప్రేమలు, మంజమ్మల్ బాయ్స్, ది గోట్ లైఫ్ సినిమాల తర్వాత రూ.100 కోట్ల మార్క్ను దాటిన చిత్రంగా పేరు తెచ్చుకుంది. అంతేగాక ఫహద్ కేరీర్లోనే ఈ ఘనత సాధించిన మొదటి చిత్రంగా అవేశం (Aavesham) చరిత్ర సృష్టించింది.
గ్యాంగ్ స్టర్ కథకు కామెడీని, మదర్ సెంటిమెంట్ను జోడిస్తూ తెరకెక్కిన ఈ చిత్రం ఆద్యంతం ప్రేక్షకులను వీపరీతంగా అలరించింది. బీటెక్ చదవడానికి కేరళ నుంచి బెంగళూరుకు వచ్చిన ఓ ముగ్గురు మిత్రులను సీనియర్లు ర్యాగింగ్ చేస్తూ ఇబ్బంది పెడుతుంటారు. దీన్ని భరించలేని ఈ ముగ్గురు ఫ్రెండ్స్ ఓ గ్యాంగ్స్టర్ (ఫహాద్ ఫాజిల్)ను కలిసి అతని సాయంతో సీనియర్లపై తిరగబడతారు. ఆ తర్వాత నుంచి ఆ గ్యాంగ్స్టర్తో కలిసిపోతారు. చివరకు ఈ ముగ్గురు మిత్రులు గ్యాంగ్స్టర్ను చంపేందుకు ఎందుకు ఫ్లాన్ చేశారనే ఆసక్తికరమైన పాయింట్తో సాగుతూ ప్రేక్షకులను కడుపుబ్బా నవ్విస్తుంది.
నటుడు ఫహాద్ ఫాజిల్ (Fahadh Faasil) స్వయంగా సుమారు రూ. 20 కోట్లతో ఈ చిత్రాన్ని నిర్మించగా వంద కోట్లకై పైగా వసూళ్లను రాబట్టింది. అయితే ఇప్పుడు ఈ సినిమా మే 9 గురువారం నుంచి అమెజాన్ ప్రైమ్ వీడియోలో మలయాలంతో పాటు తెలుగు, కన్నడ, తమిళ భాషల్లోనూ స్ట్రీమింగ్కు తీసుకు వస్తున్నారు. గతంలో రోమాంచం వంటి సూపర్ మిట్ చిత్రాన్ని అందించిన జీతూ మాధవన్ (Jithu Madhavan) ఈ సినిమాకు దర్శకత్వం వహించారు.