LYF: మనిషా ఆర్ట్స్ కొత్త సినిమా.. లైఫ్ లవ్ యువర్ ఫాదర్

మనిషా ఆర్ట్స్ అండ్ మీడియా ప్రైవేట్ లిమిటెడ్ మరియు అన్నపరెడ్డి స్టూడియోస్ సంయుక్తంగా నిర్మిస్తున్న సరికొత్త చిత్రం లైఫ్ లవ్ యువర్ ఫాదర్. మనిషా ఆర్ట్స్ అండ్ మీడియా ప్రైవేట్ లిమిటెడ్ గతంలో శుభలగ్నం, యమలీల, మాయలోడు, వినోదం లాంటి హిట్ సినిమాలు వచ్చాయి. ఇప్పుడు ఈ సంస్థ శ్రీ హర్ష, కషిక కపూర్ హీరో హీరోయిన్లుగా పవన్ కేతరాజు దర్శకత్వంలో కిషోర్ రాఠీ, మహేష్ రాఠీ ప్రొడ్యూసర్స్ గా వస్తున్న సినిమా LYF 'Love Your Father' మూవీ పూజా కార్యక్రమం మల్లారెడ్డి కాలేజీలో చాలా ఘనంగా జరిగింది.

మెంబర్ ఆఫ్ మల్లారెడ్డి గ్రూప్ ఆఫ్ ఇన్స్టిట్యూషన్స్ చామకూర శాలిని మూవీకి కెమెరా స్విచ్ ఆన్ చేయ‌గా, సిఎంఆర్ గ్రూప్ చైర్మన్ గోపాల్ రెడ్డి క్లాప్ కొట్టారు. గోపాల్ రెడ్డి, ప్రవీణ్ రెడ్డి, శ్రీశైలం రెడ్డి, సంతోష్ రెడ్డి స్క్రిప్ట్ అంద‌జేశారు. ఈ వేడుకకు ముఖ్య అతిథులుగా మల్లారెడ్డి ఇన్స్టిట్యూట్ ఆఫ్ మెడికల్ సైన్సెస్, మల్లారెడ్డి హాస్పిటల్ చైర్మన్ డాక్టర్ భద్ర రెడ్డి, మల్లారెడ్డి హెల్త్ సిటీ మేనేజింగ్ డైరెక్టర్ సి.హెచ్. ప్రీతి రెడ్డి, మల్లారెడ్డి కాలేజ్ ప్రిన్సిపల్ ఏ. రామస్వామి రెడ్డి, హీరో శ్రీహర్ష, రియా, దర్శకుడు పవన్ కేతరాజు, నిర్మాతలు కిషోర్ రాఠీ, మహేష్ రాఠీ, అన్నపురెడ్డి సామ్రాజ్యలక్ష్మి, సింగ‌ర్‌ ఎస్.పి. చరణ్, మణీంద్ర కుమార్ ఇతర కాలేజీ ప్రిన్సిపల్స్ పాల్గొన్నారు.

ఈ సందర్భంగా నిర్మాత మహేష్ రాఠీ మాట్లాడుతూ : 1983 నుంచి ఇప్పటివరకు మా మనిషా యాక్షన్ మీడియా ప్రైవేట్ లిమిటెడ్ సంస్థ విజ‌య‌వంతంగా రన్ అవుతున్న‌ద‌ని, ఈ సినిమా లైఫ్ లవ్ యువర్ ఫాదర్ ఒక మంచి తండ్రి కొడుకుల మధ్య ఉన్న ఎమోషన్‌ని, బాండింగ్ ని చూపించే విధంగా ఉంటుందని, ఎనిమిది నెలలుగా ఈ స్క్రిప్ట్ పైన కూర్చుని డెవలప్ చేశామ‌న్నారు. ఈ సినిమాకి మణిశర్మ మ్యూజిక్ అందిస్తున్నార‌న్నారు.

హీరో శ్రీహర్ష మాట్లాడుతూ ఇది నా మొదటి సినిమా 100% కష్టపడి అందరికీ నచ్చే విధంగా చేస్తానని, మీ సపోర్ట్ మరియు ఆశీర్వాదాలు ఎప్పుడు నాపై ఉండాలని కోరుకుంటున్నాను అన్నారు. క‌థానాయిక‌ రియా మాట్లాడుతూ ఈ సినిమాలో నేను మేఘన క్యారెక్టర్ చేస్తున్నానని, చాలా ఎగ్జైటెడ్ గా ఉన్నానని కచ్చితంగా ఈ సినిమా అందరికీ నచ్చుతుంద‌ని, మీరు ఇంటికి వెళ్ళేటప్పుడు ఒక మంచి మెమరీ తీసుకెళ్తారని తెలిపింది. ఏ రామస్వామి రెడ్డి మాట్లాడుతూ మా అబ్బాయి శ్రీహర్షని ఈ సినిమాతో లాంచ్ చేయడం చాలా ఆనందంగా ఉందని, ఇందులో అన్ని ఎలిమెంట్స్ ఉంటాయ‌ని ఈ సినిమాలో మంచి సక్సెస్ అవ్వాలని కోరుకుంటున్నానన్నారు.

దర్శకుడు పవన్ కేతరాజు మాట్లాడుతూ గతంలో కో డైరెక్టర్ గా చాలా సినిమాలకు వర్క్ చేశానని సూర్య ది గ్రేట్, దర్యాప్తు, యమలీల, మాయలోడు, వినోదం లాంటి ఎన్నో మంచి హిట్ సినిమాలు అందించిన మనిషా ఫిలిమ్స్ బ్యానర్ పై కిషోర్ రాఠీ, మహేష్ రాఠీ గారు నన్ను పిలిచి అవకాశం చాలా ఆనందంగా ఉందన్నారు. కిషోర్ రాఠీ గారి లైఫ్ లోని చిన్న ఇన్సిడెంట్ ని తీసుకుని కథ‌ని డెవలప్ చేసుకోవడం జరిగిందన్నారు. తండ్రి కొడుకుల ఎమోషనల్ జర్నీగా ఈ సినిమా లైఫ్ 'లవ్ యువర్ ఫాదర్స ఉంటుంద‌ని, అదేవిధంగా శివోహం అనే ఒక మంచి కాన్సెప్ట్ తో వస్తున్నామ‌న్నారు. ఇంత మంచి అవకాశం ఇచ్చిన కిషోర్ రాఠీ, మహేష్ రాఠీ, రామస్వామి రెడ్డిల‌కు ప్రత్యేక కృతజ్ఞతలు తెలుపుకుంటున్నానన్నారు.