రాజకీయ నేపథ్యంలో

‘యువత రాజకీయాల్లోకి రావాలి’ అనే కాన్సె్‌ప్టతో రూపుదిద్దుకున్న చిత్రం ‘రామజన్మభూమి’. జై సిద్దార్థను హీరోగా పరిచయం చేస్తూ స్వీయ దర్శకత్వంలో వి.సముద్రారావు నిర్మించిన ఈ చిత్రం టీజర్‌ను సీనియర్‌ ఆర్టిస్ట్‌ మురళీమోహన్‌ ఆవిష్కరించారు. ఈ సందర్భంగా ఆయన మాట్లాడుతూ ‘దేశంలో ఇప్పుడు ఎక్కడ విన్నా జై శ్రీరామ్‌ నినాదం మారుమోగుతోంది, ‘రామ జన్మభూమి’ పేరుతో సముద్ర ఈ సినిమా తీయడం ఆనందంగా ఉంది. చిత్రం పెద్ద హిట్‌ అవుతుంది’ అన్నారు. దర్శకనిర్మాత సముద్రారావు మాట్లాడుతూ ‘ ఆ దేవుడే రాముడిగా వచ్చి మానవ రూపంలో ధర్మబద్ధంగా బతికాడు. ప్రతి పౌరుడు రాముడిలా బతకాలి. రాజకీయాల్లోకి యువత కచ్చితంగా రావాలనే సందేశంతో ఈ సినిమా తీశాం. విడుదల తేదీని త్వరలో ప్రకటిస్తాం’ అన్నారు. ఈ సినిమాతో హీరోగా పరిచయమవుతున్నందుకు ఆనందంగా ఉందని జై సిద్దార్థ చెప్పారు. ఈ కార్యక్రమంలో దర్శకుడు బి.గోపాల్‌, దామోదర ప్రసాద్‌ తదితరులు పాల్గొన్నారు.