భావోద్వేగాలతో ‘నాన్నా మళ్లీ రావా!’

శివాజీరాజా ప్రధాన పాత్రలో తెరకెక్కుతోన్న చిత్రం ‘నాన్నా మళ్లీ రావా!’. నిర్దేశ్‌ దర్శకత్వం వహిస్తున్నారు. డాక్టర్‌ డి.ఉమామహేశ్వర రావు నిర్మిస్తున్నారు. తాజాగా ఈ సినిమా పోస్టర్‌ను లాంచ్‌ చేశారు. ఈ సందర్భంగా శివాజీరాజా మాట్లాడుతూ ‘‘భావోద్వేగాలు మిళితమైన ఇటువంటి సినిమాలో నటించడం సంతోషంగా ఉంది’’ అని అన్నారు. దర్శకుడు నిర్దేశ్‌ మాట్లాడుతూ ‘‘నాన్న అంటే ప్రతి ఒక్కరికి చెప్పుకోలేనంత భావోద్వేగం ఉంటుంది. థియేటర్‌లో ఈ సినిమా ప్రేక్షకులను కట్టిపడేస్తుంది’’ అని చెప్పారు. ఈ చిత్రానికి డీఓపీ: డీ.వై గిరి, సంగీతం: ఆర్మన్‌ మెరుగు, ఎగ్జిక్యూటివ్‌ ప్రొడ్యూసర్‌: రోసి రెడ్డి.