విజువల్‌గా.. మ్యూజికల్‌గా...

నాగచైతన్య, సాయి పల్లవి జంటగా రూపుదిద్దుకుంటున్న ‘తండేల్‌’ చిత్రం వైజాగ్‌, శ్రీకాకుళం షెడ్యూల్‌ శనివారంతో పూర్తయింది. అల్లు అరవింద్‌ సమర్పణలో బన్నీ వాసు నిర్మిస్తున్న ఈ చిత్రానికి చందు మొండేటి దర్శకుడు. ఈ షెడ్యూల్‌లో హీరోహీరోయిన్లతో పాటు ఇతర నటీనటులు పాల్గొనగా కీలక సన్నివేశాలు చిత్రీకరించారు. పాత్రల గెటప్‌, కాస్ట్యూమ్స్‌, బాడీ లాంగ్వేజ్‌, యాస ప్రామాణికంగా ఉండేలా దర్శకుడు చందు జాగ్రత్తలు తీసుకుంటున్నారు. వాస్తవ సంఘటనల ప్రేరణతో ఓ ప్రేమ కథగా ‘తండేల్‌’ ను భారీ స్థాయిలో నిర్మిస్తున్నారు. విజువల్‌గా, మ్యూజికల్‌గా ఎంతో అద్భుతంగా ఉండేలా రూపుదిద్దుకుంటున్న ఈ చిత్రం విడుదల తేదీని త్వరలో ప్రకటించనున్నారు. ఈ చిత్రానికి సంగీతం: దేవిశ్రీప్రసాద్‌, సినిమాటోగ్రఫీ: షామ్‌దత్‌, ఎడిటింగ్‌: నవీన్‌ నూలి.