ఈ సినిమానే నా ఫేవరెట్‌
ABN , Publish Date - May 21 , 2024 | 06:13 AM
‘సత్యభామ’ సినిమాతో పవర్‌ఫుల్‌ పోలీస్‌ అధికారి పాత్రలో ప్రేక్షకులని పలకరించడానికి సిద్ధమయ్యారు కాజల్‌ అగర్వాల్‌. నవీన్‌ చంద్ర, ప్రకాశ్‌ రాజ్‌ కీలక పాత్రల్లో నటించిన...
‘సత్యభామ’ సినిమాతో పవర్‌ఫుల్‌ పోలీస్‌ అధికారి పాత్రలో ప్రేక్షకులని పలకరించడానికి సిద్ధమయ్యారు కాజల్‌ అగర్వాల్‌. నవీన్‌ చంద్ర, ప్రకాశ్‌ రాజ్‌ కీలక పాత్రల్లో నటించిన ఈ చిత్రానికి సుమన్‌ చిక్కాల దర్శకత్వం వహించారు. ఈ నెల 31న సినిమా విడుదలవుతోన్న సందర్భంగా చిత్ర బృందం ప్రమోషన్స్‌ను వేగం చేసింది. ఈ సందర్భంగా ఇచ్చిన ఓ ఇంటర్యూలో కాజల్‌ మీడియాతో పలు విషయాలు పంచుకున్నారు. ‘‘దర్శకుడు చెప్పిన ఈ క్రైమ్‌ థ్రిల్లర్‌ విన్నవెంటనే ఆకట్టుకుంది. నేను ప్రస్తుతం నటించిన ‘సత్యభామ’ సినిమానే నా సినిమాల్లో ఫేవరెట్‌. ఎవరైనా సరే వారు ప్రస్తుతం నటించిన చిత్రాన్నే ఇష్టపడాలి. అందుకే నాకు ఈ సినిమానే నా ఫేవరెట్‌. ఈ సినిమా కోసం నేను మొదటిసారి పోలీసు పాత్రలో కనిపిస్తున్నా. తెరపై కొత్త కాజల్‌ను ఈ సినిమాతో చూస్తారు’’ అని చెప్పారు.