ఇది బుల్లెట్‌ తెచ్చిన సక్సెస్‌

రవి వర్మ, సంజనా సింగ్‌ హీరో హీరోయిన్లుగా నటించిన చిత్రం ‘బుల్లెట్‌’. చౌడప్ప దర్శకత్వం వహించారు. ఎంసి రావు, బి గోపాల్‌, ఎమ్‌ వి మల్లిఖార్జున రావు, కోసూరి సుబ్రమణ్యం, మని నిర్మించారు. ఇటీవలే విడుదలైన ఈ చిత్రం చక్కటి ప్రేక్షకాదరణతో కొనసాగుతోంది. ఈ సందర్భంగా చిత్ర బృందం సక్సెస్‌ మీట్‌ ఏర్పాటు చేసింది. దర్శకుడు చౌడప్ప మాట్లాడుతూ ‘‘మంచి చిత్రాలను ప్రేక్షకులు తప్పక ఆదరిస్తారని ఈ చిత్రం సాధించిన విజయంతో మరోసారి రుజువైంది’’ అని చెప్పారు. చిత్ర నిర్మాత గోపాల్‌ మాట్లాడుతూ ‘‘ఈ మూవీ కోసం టీమ్‌ అంతా ఎంతో కష్టపడింది. ఈ విజయం మా కష్టానికి తగిన ప్రతిఫలం’’ అని అన్నారు. హీరో రవి వర్మ మాట్లాడుతూ ‘‘ఈ కాలంలో ఓ సినిమా విజయోత్సవ వేడుక జరుపుకోవడం అరుదు. అలాంటి భాగ్యాన్ని మాకు అందించిన ప్రేక్షకులకు రుణపడి ఉంటాం’’ అని అన్నారు.