ఫిబ్రవరిలో ఆట మొదలు
ABN, Publish Date - Jan 05 , 2024 | 06:58 AM
గీతానంద్‌, నేహా సోలంకి జంటగా నటించిన చిత్రం ‘గేమ్‌ ఆన్‌’. దయానంద్‌ దర్శకత్వంలో రవి కస్తూరి నిర్మించారు. ఈ చిత్రాన్ని ఫిబ్రవరి 2న విడుదలచేస్తున్నట్లు నిర్మాత తెలిపారు...
గీతానంద్‌, నేహా సోలంకి జంటగా నటించిన చిత్రం ‘గేమ్‌ ఆన్‌’. దయానంద్‌ దర్శకత్వంలో రవి కస్తూరి నిర్మించారు. ఈ చిత్రాన్ని ఫిబ్రవరి 2న విడుదలచేస్తున్నట్లు నిర్మాత తెలిపారు. ఈ సందర్భంగా ఆయన మాట్లాడుతూ ‘గీతానంద్‌ ఈ చిత్రంతో హీరోగా మరో మెట్టు ఎక్కుతాడనే నమ్మకం ఉంది. నేహా సోలంకి తన అభినయంతో ఆకట్టుకుంటుంది. దయానంద్‌ ఈ చిత్రాన్ని అద్భుతంగా తెరకెక్కించాడు. విభిన్నమైన కథతో తెరకెక్కిన మా సినిమాను ప్రేక్షకులు ఆదరించాలి’ అని కోరారు. దర్శకుడు మాట్లాడుతూ ‘ఈ చిత్రంలో పాత్రలన్నీ గ్రే షేడ్‌లో ఉంటాయి. తన జీవితాన్ని చాలించాలనుకున్న ఓ వ్యక్తి రియల్‌టైమ్‌ సైకలాజికల్‌ గేమ్‌లోకి ఎలా ప్రవేశించాడు, ఆ తర్వాత జరిగిన పరిణామాలు ఎలాంటి పరిస్థితులకు దారి తీశాయనేది ఆసక్తికరంగా ఉంటుంద’న్నారు. మధుబాల కీలకపాత్ర పోషించిన ఈ చిత్రానికి అభిషేక్‌ ఏ ఆర్‌ సంగీతం అందించారు. సినిమాటోగ్రఫీ: అరవింద విశ్వనాథన్‌.