సీట్‌ ఎడ్జ్‌లో కూర్చుని చూసేలా...

సినిమా సినిమాకు వైవిధ్యమైన రోల్స్‌ చేస్తూ సూపర్‌ హిట్స్‌ను తన ఖాతాలో వేసుకుంటున్నారు సుహాస్‌. ఆయన హీరోగా నటించిన యూనిక్‌ సస్పెన్స్‌ థ్రిల్లర్‌ ‘ప్రసన్న వదనం’ నేడు విడుదలవుతోంది. ఈ సందర్భంగా ఈ మూవీ గురించి సుహాస్‌ మీడియాతో ముచ్చటించారు. ‘‘ఇందులో ఆర్జే పాత్ర పోషించాను. ఫేస్‌ బ్లైండ్‌నెస్‌ కారణంగా ఎలాంటి సమస్యల్లో ఇరుక్కుంటాను, వాటి నుంచి ఎలా భయటపడతాననేదే ఈ సినిమా కథాంశం. అందరినీ అలరించే సినిమా ఇది. చాలా మంది నా కథల ఎంపిక బావుంటుందని మెచ్చుకుంటుంటారు. ఈ సినిమాను థియేటర్లలో చూస్తున్నప్పుడు కచ్చితంగా థ్రిల్‌ ఫీలవుతారు. సీట్‌ ఎడ్జ్‌లో కూర్చుని చూసేలా ఈ సినిమా సాగుతుంది. దర్శకుడు అర్జున్‌ వై.కెకు ఇది తొలి చిత్రం అయినా చాలా అనుభవం ఉన్నట్లు సినిమాను తెరకెక్కించారు’’ అని చెప్పారు.