MANAMEY: శర్వానంద్.. మనమే ఫస్ట్ లుక్ గ్లింప్స్ విడుదల
ABN , Publish Date - Mar 06 , 2024 | 10:23 PM
ప్రామిసింగ్ హీరో శర్వానంద్ తన 35వ చిత్రం ట్యాలెంటెడ్ డైరెక్టర్ శ్రీరామ్ ఆదిత్య దర్శకత్వంలో చేస్తున్నారు. టీజీ విశ్వ ప్రసాద్ పీపుల్ మీడియా ఫ్యాక్టరీ నిర్మిస్తున్న.శర్వానంద్ పుట్టినరోజు సందర్భంగా ఈరోజు టైటిల్, ఫస్ట్ లుక్ ని విడుదల చేశారు.
ప్రామిసింగ్ హీరో శర్వానంద్ (Sharwanand) తన 35వ చిత్రం ట్యాలెంటెడ్ డైరెక్టర్ శ్రీరామ్ ఆదిత్య దర్శకత్వంలో చేస్తున్నారు. టీజీ విశ్వ ప్రసాద్ పీపుల్ మీడియా ఫ్యాక్టరీ నిర్మిస్తున్న ఈ చిత్రంలో శర్వానంద్ పూర్తిగా కొత్త లుక్‌లో ఆలరించనున్నారు. వివేక్ కూచిభొట్ల సహ నిర్మాత కాగా, కృతి ప్రసాద్, ఫణి వర్మ ఎగ్జిక్యూటివ్ నిర్మాతలు. శర్వానంద్ పుట్టినరోజు సందర్భంగా ఈరోజు టైటిల్, ఫస్ట్ లుక్ ని విడుదల చేశారు. ఏడిద రాజా ఈ చిత్రానికి అసోసియేట్ నిర్మాత.
ఈ చిత్రానికి మనమే (MANAMEY) అనే ఆహ్లాదకరమైన టైటిల్ లాక్ చేశారు, టైటిల్ లో పూర్తి పాజిటివ్ వైబ్స్ ఉన్నాయి. పోస్టర్‌లో శర్వానంద్, చిన్నారి- విక్రమ్ ఆదిత్య, ఎత్తైన భవనం పైకప్పుపై చేతిలో పెయింట్ రోలర్‌లతో నిలబడి ఉన్నారు. బాబు వరల్డ్ గమనిస్తుండగా, శర్వా అతని వైపు చూస్తున్నాడు. ఫస్ట్ లుక్ పోస్టర్‌లో లండన్ బ్రిడ్జ్, థేమ్స్ నదిని కూడా చూడవచ్చు. శర్వా స్వెట్ షర్ట్, ట్రాక్ ప్యాంట్‌లో చాలా ఎలిగెంట్ గా కనిపిస్తున్నాడు.
మేకర్స్ శర్వా (Sharwanand) వరల్డ్ ఆఫ్ మనమేని కూడా పరిచయం చేసారు,లండన్ నేపథ్యంలో ఈ కథ సాగ‌నున్న‌ట్లు తెలుస్తోంది. చివరలో శర్వా గాయపడిన కాలుతో ''I think it's time for some champagne.’అంటే.. అక్కడ ఉన్న కృతి శెట్టి అతని వైపు తీక్షణంగా చూస్తున్న‌ట్లు ఫస్ట్ లుక్‌లో ఉంది.. ఈ పోస్టర్‌లో శర్వాకు పిల్లవాడిపై ఉన్న ప్రేమను చూపుతుండగా, గ్లింప్స్ అతని ఫన్ లవింగ్ నేచర్ ని చూపిస్తుంది.
ఈ సినిమాకు హేషమ్ అబ్దుల్ వహాబ్ అందించిన బ్యాక్ గ్రౌండ్ స్కోర్ అద్భుతంగా ఉంది. న్యూ ఏజ్ ఎంటర్ టైనర్ గా అందమైన ప్రేమకథతో వస్తున్న ఈ సినిమాకి విష్ణు శర్మ, జ్ఞాన శేఖర్ VS సినిమాటోగ్రఫీని అందించారు. ప్రముఖ టెక్నీషియన్ ప్రవీణ్ పూడి ఎడిటర్, జానీ షేక్ ఆర్ట్ డైరెక్టర్. ఈ చిత్రానికి డైలాగ్స్‌ని అర్జున్ కార్తిక్, ఠాగూర్, వెంకీ అందిస్తున్నారు.