రాణి రుక్మిణీ దేవి

శ్రీవిష్ణు, రీతూవర్మ హీరోహీరోయిన్లుగా నటిస్తున్న చిత్రం ‘శ్వాగ్‌’. ‘రాజ రాజ చోర’ ఫేమ్‌ హసిత్‌ గోలి దర్శకత్వంలో ఇది తెరకెక్కుతోంది. ఈ చిత్రాన్ని పీపుల్‌ మీడియా ఫ్యాక్టరీపై టి.జి విశ్వ ప్రసాద్‌ నిర్మిస్తున్నారు. రీతూ వర్మ పుట్టినరోజు సందర్భంగా మేకర్స్‌ ఆదివారం ఆమె ఫస్ట్‌ లుక్‌ను విడుదల చేశారు. వింజమర వంశంలోని మహారాణి రుక్మిణి దేవిగా రీతూ వర్మను పరిచయం చేశారు. ఈ క్యారెక్టర్‌ ఇంట్రడక్షన్‌ వీడియోలో రీతూ వర్మ శ్రీవిష్ణు మాటలను పరిహాసం చేస్తూ కనిపించారు. మగవారి కంటే స్ర్తీలు గొప్పవారు, శక్తివంతులు అని చెప్పారు. ఈ చిత్రానికి సినిమాటోగ్రాఫర్‌: వేదరామన్‌ శంకరన్‌, సంగీతం: వివేక్‌ సాగర్‌