‘ఒసేయ్‌ అరుంధతి’ టైటిల్‌ ట్రాక్‌

కమల్‌ కామరాజు, మోనికా చౌహాన్‌ హీరోహీరోయిన్లుగా నటిస్తున్న చిత్రం ‘ఒసేయ్‌ అరుంధతి’. వెన్నెల కిశోర్‌, పృథ్వీరాజ్‌, చిత్రం శ్రీను, అరియానా గ్లోరి, సునీతా మనోహర్‌ కీలక పాత్రలు పోషిస్తున్నారు. ఫ్యామిలీ కామెడీ థ్రిల్లర్‌గా ఈ చిత్రాన్ని విక్రాంత్‌ కుమార్‌ తెరకెక్కిస్తున్నారు. గూడూరు ప్రణయ్‌రెడ్డి నిర్మిస్తున్నారు. శ్రీరామనవమి సందర్భంగా ఈ చిత్రం నుంచి టైటిల్‌ ట్రాక్‌ను విడుదల చేశారు. చిత్ర దర్శకుడు విక్రాంత్‌కుమార్‌ ఈ పాటకు లిరిక్స్‌ అందించగా, సునీల్‌ కశ్యప్‌ సంగీతం అందించారు. రాహుల్‌ సిప్లిగంజ్‌ ఆలపించారు. ఈ సందర్భంగా నిర్మాత గూడూరు ప్రణయ్‌రెడ్డి మాట్లాడుతూ ‘‘ఈ చిత్రం అందరినీ ఆకట్టుకుంటుందని’’ చెప్పారు. చిత్ర దర్శకుడు విక్రాంత్‌కుమార్‌ మాట్లాడుతూ ‘‘ఇది కుటుంబ సమేతంగా చూడదగ్గ చిత్రం’’ అని అన్నారు.