ఫిబ్రవరిలో ముఖ్యగమనిక

విరాన్‌ ముత్తంశెట్టి హీరోగా నటిస్తున్న చిత్రం ‘ముఖ్యగమనిక’. లావణ్య ఇందులో కథానాయిక. సినిమాటోగ్రాఫర్‌ వేణు మురళీధర్‌ దర్శకుడు. రాజశేఖర్‌, సాయికృష్ణ నిర్మాతలు. చిత్రీకరణ పూర్తి చేసుకున్న ఈ సినిమా పోస్ట్‌ప్రొడక్షన్‌ దశలో ఉంది. నిర్మాతలు మాట్లాడుతూ ‘ఇప్పటికే విడుదలైన ఫస్ట్‌ సింగిల్‌కి, టీజర్‌కీ మంచి స్పందన వస్తోంది. సినిమా అంతకు మించి ఉంటుంది. ఫిబ్రవరి మొదటివారంలో ట్రైలర్‌ని గ్రాండ్‌గా విడుదల చేయనున్నాం. ప్రముఖ సెలబ్రిటీ ఈ కార్యక్రమంలో పాల్గొంటారు. అదే నెల మూడోవారంలో సినిమాను విడుదల చేయడానికి సన్నాహాలు చేస్తున్నాం’ అని తెలిపారు. ఈ చిత్రానికి సంగీతం: కిరణ్‌ వెన్న.