శేఖర్‌ కమ్ముల సినిమాలా...

‘కేరింత’ ఫేమ్‌ పార్వతీశం కథానాయకుడిగా రూపొందుతున్న చిత్రం ‘మార్కెట్‌ మహాలక్ష్మి’. ప్రణీకాన్వికా కథానాయిక. వీఎస్‌ ముఖేశ్‌ యువ దర్శకత్వంలో అఖిలేశ్‌ కలారు నిర్మించారు. హర్షవర్ధన్‌ కీలకపాత్ర పోషించారు. ఈ మూవీ టైటిల్‌ పోస్టర్‌ను నటుడు శివాజీ చేతుల మీదుగా ఆవిష్కరించారు. ఈ సందర్భంగా దర్శకుడు మాట్లాడుతూ ‘ఇది నా మొదటి సినిమా. సరికొత్త కథాంశంతో తెరకెక్కిస్తున్నాం’ అన్నారు. చక్కటి ఫ్యామిలీ, లవ్‌ డ్రామాగా ఈ సినిమాను రూపొందించామని నిర్మాత చెప్పారు. ‘మార్కెట్‌ మహాలక్ష్మి’ సినిమా చూస్తుంటే శేఖర్‌ కమ్ముల సినిమాలు గుర్తుకొచ్చాయని నిర్మాత బెక్కం వేణుగోపాల్‌ చెప్పారు.