ఆ కళలో ఆరితేరలేదు

నా సినిమాలకు విస్తృత ప్రజాధరణ లభించేలా ప్రచారం చే సే కళలో నేను నిష్ణాతుణ్ణి కాను అని జాతీయ ఉత్తమ నటుడు, కన్నడ హీరో రిషబ్‌ శెట్టి అన్నారు. ఆయన స్వీయ నిర్మాణంలో రూపొందిన చిత్రం ‘లాఫింగ్‌ బుద్ధ’. ఈ చిత్రం శాటిలైట్‌, ఓటీటీ బిజినెస్‌ పూర్తిగా నిరాశపరిచిందని ఆయన చెప్పారు. ‘లాఫింగ్‌ బుద్ధ’ ఈ నెల 30న ప్రేక్షకుల ముందుకొస్తోంది. ఈ సందర్భంగా సినిమా ప్రీ రిలీజ్‌ బిజినెస్‌ గురించి రిషబ్‌ ఓ ఇంటర్వ్యూలో స్పందించారు. ‘కన్నడ చిత్ర పరిశ్రమలో ప్రీ రిలీజ్‌ బిజినెస్‌ ఆశాజనకంగా లేదు. పెద్ద సినిమాలకు సైతం ఈ విషయంలో ఇబ్బందులు తప్పడం లేదు, కొన్ని చేదు అనుభవాల దృష్ట్యా కన్నడ సినిమాలను కొనేందుకు ఓటీటీ వేదికలు ముందుకు రావడం లేదు. ‘లాఫింగ్‌ బుద్ధ’ చిత్రానికి ప్రీ రిలీజ్‌ బిజినెస్‌ జీరో’ అని ఆయన చెప్పారు.