ఎదురుచూపులు ఫలించేలా

‘హరిహర వీరమల్లు’ సినిమా రిలీజ్‌ కోసం పవన్‌ అభిమానులే కాదు నేను కూడా ఆసక్తిగా ఎదురుచూస్తున్నాను’ అని నిధి అగర్వాల్‌ అన్నారు. ఆకట్టుకునే అందంతో కుర్రకారు హృదయాలను కొల్లగొడుతున్నారు ఈ ఇస్మార్ట్‌ బ్యూటీ. కెరీర్‌ ఆరంభంలోనే వరుస అపజయాలు చవిచూసినా తన అందాల ఆరబోతతో అవకాశాలను దక్కించుకుంటున్నారు. ‘ఇస్మార్ట్‌ శంకర్‌’ లాంటి సూపర్‌ హిట్‌ తర్వాత వరుసగా సినిమాలు చేసినా, ఓ మంచి విజయం మాత్రం ఈ అమ్మడుకి అందలేదు. అయితే పవన్‌ కల్యాణ్‌ సరసన నటిస్తున్న ‘హరిహర వీరమల్లు’ తనకు ఆ లోటు తీరుస్తుందంటున్నారు నిధి. ఈ చిత్రంలో హీరోయిన్‌గా నటించడం తన కెరీర్‌కు ఊపు తెస్తుందని ఆమె చెబుతున్నారు. ఈ సినిమా రిలీజైన తర్వాత మరిన్ని మంచి పాత్ర లు తనను వెతుక్కుంటూ వస్తాయనే నమ్మకం ఉందన్నారు నిధి.