మహిళలకు మాత్రమే

నూతన నటీనటులతో తెరకెక్కిన చిత్రం ‘ఎంత పనిచేశావ్‌ చంటి’. ఉదయ్‌ కుమార్‌ దర్శకత్వంలో లడ్డే బ్రదర్స్‌ నిర్మించారు. త్వరలో ప్రేక్షకుల ముందుకు రానుంది. ఈ చిత్రం ట్రైలర్‌ విడుదల కార్యక్రమాన్ని యూనిట్‌ నిర్వహించింది. దర్శకుడు నక్కిన త్రినాథరావు ముఖ్య అతిథిగా హాజరయ్యారు. దర్శకుడు మాట్లాడుతూ ‘విభిన్న కథతో ‘ఎంత పనిచేశావ్‌ చంటి’ చిత్రాన్ని తెరకెక్కించాం. ఈ సినిమాను మగవాళ్లు చూడకూడదు. మహిళలు మాత్రమే చూడాలి’ అని అన్నారు. శ్రీనివా్‌సఉలిశెట్టి, దియారాజ్‌, నిహారిక శాంతిప్రియ జంటగా నటించారు. సంగీతం: పవన్‌ సినిమాటోగ్రఫీ: సంతోష్‌.