రెట్టింపు వినోదం

యువ నటీనటులు, సాంకేతిక నిపుణులతో సితార ఎంటర్‌టైన్‌మెంట్స్‌ సంస్థ నిర్మించిన ‘మ్యాడ్‌’ చిత్రం లాస్టియర్‌ విడుదలై హిట్‌ అయింది. నార్నే నితిన్‌, సంగీత్‌ శోభన్‌, రామ్‌ నితిన్‌ ఇందులో ప్రధాన పాత్రలు పోషించారు. ఈ సినిమాకు సీక్వెల్‌గా ‘మ్యాడ్‌ స్క్వేర్‌’ వస్తోంది. ఇందులోని తొలి పాటను ఈ శుక్రవారం విడుదల చేస్తున్నట్లు ప్రకటించి, సంప్రదాయ దుస్తుల్లో ఉన్న మ్యాడ్‌ గ్యాంగ్‌ పోస్టర్‌ను విడుదల చేసింది ‘సితార’ సంస్థ. ఈ సీక్వెల్‌ను మరింత వినోదాత్మకంగా మలిచే పనిలో దర్శకుడు కల్యాణ్‌ శంకర్‌ ఉన్నారు. రెట్టింపు వినోదంతో, రెట్టింపు విజయాన్ని తమ ఖాతాలో వేసుకుంటామని నిర్మాతలు హారిక సూర్యదేవర, సాయి సౌజన్య చెప్పారు. ‘మ్యాడ్‌’ చిత్రానికి పనిచేసిన సాంకేతిక నిపుణులు ఈ చిత్రానికీ వర్క్‌ చేస్తున్నారు.