అశోక్‌ను నిలబెట్టే సినిమా ఇది

‘హీరో’ ఫేమ్‌ అశోక్‌ గల్లా, ‘మిస్‌ ఇండియా’ టైటిల్‌ విజేత మానస వారణాసి జంటగా నటించిన చిత్రం ‘దేవకి నందన వాసుదేవ’. ప్రశాంత్‌ వర్మ కథ అందించగా.. అర్జున్‌ జంధ్యాల దర్శకత్వంలో సోమినేని బాలకృష్ణ నిర్మించారు. ఈ సినిమా విడుదలవుతున్న సందర్భంగా మేకర్స్‌ ప్రీ రిలీజ్‌ వేడుక నిర్వహించారు. కార్యక్రమానికి ముఖ్య అతిథిగా విచ్చేసిన దర్శకుడు బోయపాటి శ్రీను మాట్లాడుతూ ‘‘ఈ సినిమా హీరో అశోక్‌ను ఇండస్ట్రీలో నిలబెడుతుంది. డైరెక్టర్‌కి అర్జున్‌ జంధ్యాలకి, అశోక్‌కు సింక్‌ చాలా బాగుంది. ఈ సినిమా పెద్ద హిట్‌ అవ్వాలని కోరుకుంటున్నాను’’ అని చెప్పారు. ‘‘అశోక్‌ మంచి నటుడు. ఆయన ప్రోత్సాహం వల్లే సినిమా అవుట్‌పుట్‌ అద్భుతంగా వచ్చింది. ఈ సినిమాకు సపోర్ట్‌ చేసినవారందరికీ కృతజ్ఞతలు’’ అని అన్నారు. ‘‘సినిమా అంచనాలను మించి ఉంటుంది’’ అని నిర్మాత సోమినేని బాలకృష్ణ తెలిపారు.