రా మచ్చా

రామ్‌ చరణ్‌ కథానాయకుడిగా శంకర్‌ దర్శకత్వంలో తెరకెక్కుతోన్న పాన్‌ ఇండియా చిత్రం ‘గేమ్‌ చేంజర్‌’. క్రిస్మస్‌ సందర్భంగా ప్రేక్షకుల ముందుకు వచ్చేందుకు సిద్ధమవుతోంది. ఈ చిత్రం నుంచి రెండోపాటను మేకర్స్‌ సోమవారం విడుదల చేశారు. ‘రా మచ్చా మచ్చా’ అంటూ హీరో పాత్రను పరిచయం చేస్తూ సాగే ఈ గీతానికి అనంత్‌ శ్రీరామ్‌ సాహిత్యం అందించారు. తమన్‌ స్వరాలు సమకూర్చగా, నకాష్‌ అజీజ్‌ ఆలపించారు. ఈ చిత్రంలో రామ్‌చరణ్‌ సరసన కియారా అద్వాణీ కథానాయికగా నటిస్తున్నారు. దిల్‌రాజు-శిరీష్‌ నిర్మిస్తున్నారు. సినిమాటోగ్రఫీ: తిరుణావుక్కరుసు