నాలుగు పాత్రల మధ్య

పూర్ణ ప్రధాన పాత్రలో నటించగా జి.ఆర్‌.ఆదిత్య దర్శకత్వంలో సురేశ్‌ రెడ్డి కొవ్వూరి నిర్మించిన ఎమోషనల్‌ థ్రిల్లర్‌ చిత్రం ‘డార్క్‌ నైట్‌’. పూర్ణ సరసన త్రిగుణ్‌(ఆదిత్‌ అరుణ్‌) నటించారు. ఈ చిత్రం నిర్మాణ కార్యక్రమాలు పూర్తి చేసుకుంది. ఈ సందర్భంగా నిర్మాత సురేశ్‌ రెడ్డి మాట్లాడుతూ ‘పూర్ణ నటన ఈ సినిమాకు హైలెట్‌గా నిలుస్తుంది. ఎమోషనల్‌గా సాగే థ్రిల్లర్‌ కథతో నిర్మించాం. రచయిత, దర్శకుడు జి.ఆర్‌.ఆదిత్య నాలుగు ప్రధాన పాత్రల మధ్య సంక్లిష్టంగా అల్లిన భావోద్వేగాలతో ఉత్కంఠభరితమైన కథనాన్ని అందించారు. సినిమా ఆధ్యంతం ప్రేక్షకులకు ఉత్కంఠ కలిగించేలా సన్నివేశాలు ఉంటాయి’ అని తెలిపారు.