‘బ్యాక్‌డోర్‌’ దర్శకుడి కొత్త చిత్రం

‘బ్యాక్‌డోర్‌’ అనే సందేశాత్మక చిత్రంతో ప్రేక్షకుల మన్ననలతోపాటు విమర్శకుల ప్రశంసలు అందుకున్నారు దర్శకుడు కర్రి బాలాజీ. ఆయన దర్శకత్వంలో మరో చిత్రాన్ని ప్రకటించారు. గతంలో ‘అన్‌స్టాపబుల్‌’ అనే కామెడీ ఎంటర్‌టైనర్‌ను నిర్మించిన రంజిత్‌రావు ఈ చిత్రాన్ని నిర్మిస్తున్నారు. బాలాజీ సినిమా విశేషాలను గురించి వివరిస్తూ ‘రేవ్‌పార్టీలు, పబ్బుల్లో జల్సా చేస్తున్న ఈ తరం యువత ఎలా మత్తులో చిత్తవుతోంది, తమ జీవితాలను నాశనం చేసుకుంటోంది అనే అంశాల చుట్టూ అల్లుకున్న కథతో ఈ చిత్రం తెరకె క్కుతోంది. స్ర్కిప్ట్‌ వర్క్‌ పూర్తి చేశాం. ప్రీ ప్రొడక్షన్‌ పనులు శరవేగంగా సాగుతున్నాయి. రెగ్యులర్‌ షూటింగ్‌ త్వరలో ప్రారంభిస్తాం’ అని చెప్పారు.