సుబ్రహ్మణ్య సాహసాలు

ప్రముఖ నటుడు, డబ్బింగ్‌ ఆర్టిస్ట్‌ రవిశంకర్‌ మరోసారి మెగాఫోన్‌ పట్టారు. తన కుమారుడు అద్వయ్‌ని హీరోగా పరిచయం చేస్తూ ‘సుబ్రహ్మణ్య’ చిత్రానికి ఆయన దర్శకత్వం వహిస్తున్నారు. తిరుమల్‌రెడ్డి, అనిల్‌ కడియాల ఈ చిత్రానికి నిర్మాతలు. ఇప్పటికే అరవై శాతం నిర్మాణాన్ని పూర్తి చేసుకున్న ఈ సినిమాను అడ్వంచర్‌ థ్రిల్‌ అందించడానికి బిగ్‌ ఫార్మెట్‌లో చిత్రీకరిస్తున్నారు. అద్భుతమైన కథతో గ్రాండ్‌ విజువల్స్‌, ఎమోషనల్‌ ట్రీట్‌తో సినిమా ఉంటుందని దర్శకుడు చెప్పారు. ఈ సినిమాకు రవి బస్రూర్‌ సంగీత దర్శకుడు. విఘ్నేష్‌ రాజ్‌ చాయాగ్రాహకుడు.