Dakkan Sarkar : ఉద్యమ నేపథ్యం

తెలంగాణ ఉద్యమ నేపథ్యంలో రూపొందిన చిత్రం ‘దక్కన్‌ సర్కార్‌’. కళా శ్రీనివాస్‌ స్వీయ దర్శకత్వంలో నిర్మిస్తున్నారు. చాణక్య, కియా రెడ్డి, మౌనిక హీరో హీరోయిన్లుగా నటిస్తున్నారు. చిత్రబృందం టీజర్‌ విడుదల చేసి, పోస్టర్‌ను ఆవిష్కరించింది. ఈ సందర్భంగా కళా శ్రీనివాస్‌ మాట్లాడుతూ ‘‘దక్కన్‌ సర్కార్‌’ ద్వారా తెలంగాణ ఉద్యమాన్ని వెండితెరపైన ఆవిష్కరించే ప్రయత్నం చేశాం. పోరాటాలకు విరామం ఉండదని ఈ సినిమా ద్వారా చెప్పబోతున్నాం. త్వరలో ఆడియో విడుదల కార్యక్రమాన్ని నిర్వహిస్తాం’ అని చెప్పారు. తెలంగాణ ఉద్యమకారుడు గాదె ఇన్నారెడ్డి, తెలంగాణ ఫిల్మ్‌ ఛాంబర్‌ అధ్యక్షుడు ప్రతాని రామకృష్ణ గౌడ్‌ తదితరులు ఈ కార్యక్రమంలో పాల్గొన్నారు.