Sikindar: స్వయంగా సల్మానే రంగంలోకి...

బాలీవుడ్‌ అగ్రకథానాయకుడు సల్మాన్‌ ఖాన్‌ (Salman khan), తమిళ అగ్ర దర్శకుడు ఎ.ఆర్‌ మురుగదాస్‌ (AR murugadoss) కలయికలో వస్తున్న చిత్రం ‘సికందర్‌’ (Sikindar). రష్మిక కథానాయిక. ఇటీవల ఈ చిత్రాన్ని ప్రకటించారు. వచ్చే నెలలో షూటింగ్‌ ప్రారంభించే ప్రయత్నాల్లో ఉన్నారు. ‘‘మేలోనే షురూ కావాల్సిన ఈ ప్రాజెక్టు షూటింగ్‌ కొన్ని కారణాల వల్ల జూన్ లో మొదలుకానుంది.  ఇప్పటికే ఈ సినిమా ప్రీ-ప్రొడక్షన్‌ పనులు ముగింపు దశలో ఉన్నాయి. ఇందులోని యాక్షన్‌ సన్నివేశాలకు ఎక్కువ ప్రాధాన్యత ఉంది. జూన్‌ 20న మొదలు కానున్న ఈ మొదటి షెడ్యూల్‌లో భాగంగా యాక్షన్‌ సీక్వెన్స్‌లనే చిత్రీకరించనున్నారు. అయితే ఈ చిత్రంలో మరో విశేషం ఉంది. ఇందులో యాక్షన సన్నివేశాలను సల్మాన్‌ స్వయంగా చేయడానికి ఆసక్తి చూపిస్తున్నారు. దీని కోసం ఇప్పటికే ఆయన కసరత్తులు మొదలుపెట్టారని చిత్ర వర్గాలు తెలిపాయి. సాజిద్‌ నదియాడ్‌ వాలా నిర్మిస్తున్న ఈ సినిమా వచ్చే ఏడాది ఈద్‌కి విడుదల కానుంది.