Prabhas: పుట్టిన రోజు సందర్భంగా ప్రభాస్ కి భారీ కానుక, మొదటిసారి ఇలా...
ABN , First Publish Date - 2023-10-23T14:05:43+05:30 IST
ప్రభాస్ అభిమానులు, ప్రభాస్ పుట్టినరోజు అయిన ఈరోజు హైద్రాబాదులోని కూకట్ పల్లి లో ఒకా భారీ కట్ అవుట్ ఏర్పాటు చేసి తమ అభిమానాన్ని చాటుకున్నారు. ఇది ఇండియాలోనే అత్యంత ఎత్తయిన కట్ అవుట్ అని అంటున్నారు.
ప్రభాస్ (Prabhas) సినిమాలు ఎప్పుడు విడుదల అవుతాయా అని ప్రపంచ స్థాయిలో సినిమా ప్రేక్షకులు ఎదురు చూస్తూ వుంటారు. ఈ డిసెంబర్ 22 వ తేదీన 'సలార్' #Salaar మొదటిపార్టు సినిమా విడుదలవుతోంది. ప్రశాంత్ నీల్ (PrashanthNeel) దీనికి దర్శకుడు. ఈ సినిమా టీజర్ ఇంతకు ముందే విడుదలైంది, అది వైరల్ కూడా అయింది. ఈ సినిమా మొదట సెప్టెంబర్ లో అనుకున్నారు, కానీ ఇప్పుడు డిసెంబర్ 22న ప్రేక్షకుల ముందుకి రాబోతోంది.
ఇదిలా ఉండగా, ఈరోజు అంటే అక్టోబర్ 23, ప్రభాస్ పుట్టినరోజు. ఈ సందర్భంగా ప్రభాస్ అభిమానులు ప్రభాస్ కి ఒక భారీ కానుకని ఇచ్చారు. అది ఏంటంటే, కూకట్ పల్లి లో దేశంలోనే అతి పెద్దదైన ప్రభాస్ కట్ అవుట్ ఏర్పాటు చేశారు. దీనిని ఈరోజు ప్రభాస్ పుట్టినరోజు సందర్భంగా అభిమానులు ఊరేగింపుగా ఈ కట్ అవుట్ వున్న ప్రదేశానికి చేరుకొని, పూలతో, పాలతో ఈ ప్రభాస్ కట్ అవుట్ కి అభిషేకం చేస్తున్నారు. (Prabhas fans erected huge cut out of him which is the biggest in India at Kukatpally)
ఈరోజు దసరా పండగ కూడా అవటంతో, సెలవు దినం కావటంతో అభిమానులు వెల్లువలా వచ్చారు. ఇది దేశంలోనే అతి పెద్ద కట్ అవుట్ అని అంటున్నారు. 'బాహుబలి' #Baahubali సినిమా ప్రభాస్ ని ప్రపంచ స్థాయికి తీసుకు వెళ్ళింది, ఇప్పుడు అందుకు తగ్గట్టుగానే ప్రభాస్ రాబోయే సినిమాలు అన్నీ వున్నాయి. 'సలార్' #Salaarరెండు పార్టులు, 'కల్కి 2898 ఏడి', డైరెక్టర్ మారుతీ (DirectorMaruthi) తో 'రాజా డీలక్స్', సందీప్ రెడ్డి వంగా (SandeeReddyVanga) తో 'స్పిరిట్' సినిమాలు చేతిలో వున్నాయి. ఇవన్నీ ప్రపంచ స్థాయి ప్రేక్షకులు ఎదురు చూసే విధంగా ఉన్నాయని ఆ సినిమాలు చూస్తేనే తెలుస్తోంది.