సినీ, బిగ్‌బాస్‌ తారలు ఆవిష్కరించిన గ్రాండ్‌ గాలా కార్నివాల్‌ బ్రోచర్

సౌత్‌ ఇండియాలోనే అతిపెద్ద గ్రాండ్‌ గాలా కార్నివాల్‌ (Grand Gala Carnival) ఈవెంట్‌ నిర్వహించబోతున్నట్లు‌గా నిర్వాహకులు మనిందర్‌రెడ్డి, గుమ్మడి శిరీష, ముప్పిడి సాహితి, సింగిరెడ్డి మనీష తెలిపారు. సోమవారం ఈ గ్రాండ్‌ కార్నివాల్‌కు సంబంధించిన సన్నాహక కార్యక్రమం ఫిలింనగర్‌లో నిర్వహించారు. ఈ కార్యక్రమంలో బిగ్‌బాస్‌–7 కంటెస్టెంట్‌ శుభశ్రీ రాయగురుతో పాటు, నయని పావని, ఆర్‌జే చైతన్య, యావర్, శోభా శెట్టి, టేస్టీ తేజ, డైరెక్టర్‌ గోవిరెడ్డి శ్రీనివాస్, గీతూ రాయల్‌ తదితర సినీ, బిగ్ బాస్ తారలు పాల్గొని కార్యక్రమ బ్రోచర్‌ను ఆవిష్కరించారు.

ఈ సందర్భంగా నిర్వాహకులు మాట్లాడుతూ సౌతిండియాలోనే అత్యంత ప్రతిష్టాత్మకంగా నిర్వహించే గ్రాండ్‌ గాలా కార్నివాల్‌ను తొలిసారిగా హైదరాబాద్ నగరంలోని ఎన్‌ కన్వెన్షన్‌లో ఫిబ్రవరి 3వ తేదీన నిర్వహించబోతున్నామని అన్నారు. ఈ కార్నివాల్‌లో దేశంలోని పలు రాష్ట్రాలకు చెందిన అనేక రుచులు, ఫ్యాషన్, జ్యువెలరీ, దుస్తులు, కిడ్స్‌ వర్క్‌షాప్‌తో పాటు లైవ్‌బ్యాండ్‌ వంటి పలు ఎంటర్‌టైన్‌మెంట్‌ కార్యక్రమాలు నిర్వహించబోతున్నట్లు తెలిపారు. ఈ గ్రాండ్‌ గాలా ఈవెంట్‌లో పలువురు సినీ ప్రముఖులు కూడా పాల్గొనబోతున్నట్లు వారు వెల్లడించారు.