Pawan Kalyan-OG: లైట్స్‌.. కెమెరా.. కావలసినంత డ్రామా!
ABN, First Publish Date - 2023-07-11T18:05:17+05:30
పవన్‌కల్యాణ్‌ హీరోగా నటిస్తున్న ‘ఓజీ’ (OG) చిత్రానికి సంబంధించి తాజా అప్‌డేట్‌ వచ్చింది. నాలుగో షెడ్యూల్‌ హైదరాబాద్‌లో ప్రారంభం కానున్నట్లు నిర్మాణ సంస్థ డి.వి.వి.ఎంటర్‌టైన్‌మెంట్స్‌ ట్వీట్‌ చేసింది.
పవన్‌కల్యాణ్‌(Pawan kalyan) హీరోగా నటిస్తున్న ‘ఓజీ’ (OG) చిత్రానికి సంబంధించి తాజా అప్‌డేట్‌ వచ్చింది. నాలుగో షెడ్యూల్‌ హైదరాబాద్‌లో ప్రారంభం కానున్నట్లు నిర్మాణ సంస్థ డి.వి.వి.ఎంటర్‌టైన్‌మెంట్స్‌ ట్వీట్‌ చేసింది. దర్శకుడు సుజీత్‌, డిఓపీ రవి.కె.చంద్రన్‌ ఏదో చర్చించుకుంటున్న ఓ ఫొటో విడుదల చేసి ‘లైట్స్‌.. కెమెరా..లాట్‌ ఆప్‌ డ్రామా’ అని పోస్ట్‌ చేశారు(FireStormIsComing). ముఖ్య తారాగణం అంతా పాల్గొనగా నాలుగో షెడ్యూల్‌ హైదరాబాద్‌లో మొదలు కానుంది. రానున్న నెలలు మరింత ఎగ్టైటింగ్‌గా మారునున్నాయి’’ అని రాసుకొచ్చారు. ఈ సినిమా ప్రారంభం నుంచి వరుస అప్‌డేట్‌లతో సినిమాపై అంచనాలు పెంచుతోంది చిత్రబృందం. తాజా అప్‌డేట్‌తో అభిమానులు ఆనందంలో ఉన్నారు. అయితే ప్రస్తుతం వారాహి విజయ యాత్రం రెండో విడతతో బిజీగా ఉన్న పవనకల్యాణ్‌ ఈ షెడ్యూల్‌లో పాల్గొంటారా లేదా అన్నది తెలియాలి. (TheyCallHimOG)
యాక్షన్‌ ఎంటర్‌టైనర్‌గా తెరకెక్కుతున్న ఈ చిత్రంలో ప్రియాంక ఆరుళ్‌ మోహన్‌ కథానాయిక. ఇమ్రాన్‌ హస్మీ, అర్జున్‌ దాస్‌ కీలక పాత్రల్లో కనిపించనున్నారు. డి.వి.వి ఎంటర్‌టైన్‌మెంట్స్‌ పతాకంపై డి.వి.వి దానయ్య ఈ చిత్రాన్ని భారీ బడ్జెట్‌తో నిర్మిస్తున్నారు.