Anushka : ‘మిస్‌ శెట్టి.. మిస్టర్‌ పోలిశెట్టి’ ప్రత్యేక ఆఫర్‌!
ABN, First Publish Date - 2023-09-12T16:11:45+05:30
అనుష్కశెటి, నవీన్‌ పోలిశెట్టి కీలక పాత్రధారులుగా మహేశ్‌.పి దర్శకత్వంలో తెరకెక్కిన ‘మిస్‌ శెట్టి.. మిస్టర్‌ పోలిశెట్టి’ (Miss Shetty Mr Polishetty) చిత్రం గత వారం ప్రేక్షకుల ముందుకొచ్చి సక్సెస్‌ ఫుల్‌గా ఆడుతోంది. ఓవర్సీస్‌లోనూ ఈ చిత్రం సత్తా చాటింది.
అనుష్కశెటి(Anushka), నవీన్‌ పోలిశెట్టి (Naveen Polishetty) కీలక పాత్రధారులుగా మహేశ్‌.పి దర్శకత్వంలో తెరకెక్కిన ‘మిస్‌ శెట్టి.. మిస్టర్‌ పోలిశెట్టి’ (Miss Shetty Mr Polishetty) చిత్రం గత వారం ప్రేక్షకుల ముందుకొచ్చి సక్సెస్‌ ఫుల్‌గా ఆడుతోంది. ఓవర్సీస్‌లోనూ ఈ చిత్రం సత్తా చాటింది. ఓ పక్క మాస్‌ కమర్షియల్‌ ఎంటర్‌టైనర్‌గా వసూళ్లు వర్షం కురిపిస్తున్న ‘జవాన్‌’ హవా నడుస్తున్నా ఈ చిత్రానికీ చక్కని ఆదరణ లభిస్తోంది. వసూళ్లు నిలకడగా ఉన్నాయి. అయితే ఈ చిత్ర బృందం మహిళా ప్రేక్షకులకు ఓ ఆఫర్‌ ఇచ్చింది. రెండు తెలుగు రాష్ట్రాల్లో మహిళల కోసం ప్రత్యేక షో ఏర్పాటు చేశారు. (Spl show For ladies)
ఆ వివరాలు వెల్లడిస్తూ.. అనుష్క ట్విట్టర్‌ వేదికగా ఓ వీడియో పోస్ట్‌ చేశారు. ‘‘మా చిత్రాన్ని వీక్షించి ఆదరిస్తున్న అందరికీ కృతజ్ఞతలు. మీ మెసేజ్‌లు, ట్వీట్స్‌, ఆదరణ చూస్తుంటే చాలా ఆనందంగా ఉంది. ఈ గురువారం ఆంధ్రా, తెలంగాణ ప్రాంతాల్లో మహిళలకు మాత్రమే ప్రత్యేక షో ఏర్పాటు చేస్తున్నాం. మీ ఇంట్లో పెద్దల్ని, చిన్నల్ని తీసుకొని వెళ్లండి’’ అని అనుష్క ట్వీట్‌లో పేర్కొన్నారు. యువి క్రియేషన్స్‌ సంస్థ ఈ చిత్రాన్ని నిర్మించింది.