Hidimba: హిడింబకి విముక్తి లభించింది
ABN , First Publish Date - 2023-07-11T17:21:16+05:30 IST
జూన్ 29న 'సామజవరగమన' విడుదల అయింది, ఇప్పుడు జులై 20 న 'హిడింబ' విడుదల అవుతోంది, మళ్ళీ 'భైరవకోన' విడుదలకి రెడీ గా వుంది, ఆ తరువాత చిరంజీవి నటించిన 'భోళా శంకర్' కూడా ఆగస్టు 11న విడుదల అవుతుంది అని ప్రకటించారు. ఈ సినిమాలు అన్నిటికీ అనిల్ సుంకర నిర్మాత కావటం విశేషం. అంటే రెండు వారాలకి ఒక సినిమా విడుదల చేస్తున్నారు అన్నమాట.
నిర్మాత అనిల్ సుంకర (AnilSunkara) రెండు వారాల క్రితం విడుదలైన 'సామజవరగమన' (Samajavaragamana) సినిమాతో మంచి హిట్ కొట్టారు. అంతకు ముందు విడుదలైన 'ఏజెంట్' #Agent సినిమా ఫ్లాప్ అందరూ మర్చిపోయేంత పెద్ద హిట్ కొట్టింది ఈ చిన్న సినిమా. రామ్ అబ్బరాజు (RamAbbaraju) దర్శకత్వంలో వచ్చిన ఈ సినిమాలో శ్రీవిష్ణు (SreeVishnu), రెబా మోనికా జాన్ (RebaMonicaJohn) జంటగా చేశారు. ఈ సినిమా ఇంకా థియేటర్స్ లో బాగానే పోతూ వుంది, ఈలోగా ఇంకో సినిమా విడుదలకి శ్రీకారం చుట్టారు అనిల్ సుంకర.
అనీల్ కన్నెగంటి (AnilKanneganti) దర్శకత్వంలో వస్తున్న 'హిడింబ' #Hidimba ట్రైలర్ చాలా ఆసక్తికరంగా వుంది. ఇందులో అశ్విన్ (AshwinBabu), నందిత శ్వేత (NanditaSweta) జంటగా నటించారు. ఈ సినిమాలో బాగా హింస ఉండటం, కొన్ని అభ్యంతరకర సన్నివేశాలు ఉండటంతో సెన్సారు వారు ఈ సినిమాకి చాలా కట్స్ చెప్పారు. అందుకు ఒప్పుకోకుండా నిర్మాత అనిల్ సుంకర ఈ సినిమాని కమిటీ కి పంపిస్తాం అని చెప్పారు. కమిటి వారు ఈ సినిమాని చూసి, దీనికి సర్టిఫికెట్ ఇచ్చారు.
అందుకని ఈ సినిమా విడుదల తేదీ ప్రకటించడం కొంచెం లేట్ అయింది అని తెలిసింది. అయినా ఈరోజు అధికారికంగా. ఈ సినిమా జులై 20 న విడుదల చేస్తున్నట్టుగా చిత్ర నిర్వాహకులు ప్రకటించారు. ట్రైలర్ ని చూస్తేనే అర్థం అవుతోంది, ఈ సినిమాలో యాక్షన్ బాగా ఎక్కువగా ఉంటుందని. ఈమధ్య చాలా సినిమాలు యాక్షన్ ని విపరీతంగా పెడుతున్నారు, ఇందులో కూడా అలాగే వున్నట్టుగా వుంది. అశ్విన్, నందిత శ్వేత ఇద్దరూ పోలీస్ ఆఫీసర్స్ గా నటిస్తున్నారు ఇందులో.