Desamuduru: చొక్కాలు విప్పి మరీ అభిమానం చాటుకుంటున్న అల్లు అర్జున్ ఫ్యాన్స్
ABN , First Publish Date - 2023-04-06T11:15:21+05:30 IST
అల్లు అర్జున్ నటించిన 'దేశముదురు' మళ్ళీ విడుదల అయింది. థియేటర్స్ లో ఒకటే గోల, అభిమానులు ఏమి చేసారో చూస్తే మీరు షాక్ అవుతారు....
ఇప్పుడు పాత సినిమాలు మళ్ళీ విడుదల ట్రెండ్ కదా. అలాగే అల్లు అర్జున్ (Allu Arjun) నటించిన హిట్ సినిమా 'దేశముదురు' (#Desamuduru4KSpecialShows) మళ్ళీ విడుదల అయింది. విడుదల అయినా చోటల్లా అభిమానులు పోటెత్తుతున్నారు. థియేటర్ లో ఒకటే గోల గోల. అల్లు అర్జున్ 'దేశముదురు' ఒక పెద్ద విజయం సాధించిన సినిమా. #Desamuduru4KSpecialShows పూరి జగన్నాథ్ (Puri Jagannadh) దీనికి దర్శకుడు, 'ఆర్.ఆర్.ఆర్' (RRR) నిర్మించిన దానయ్య (DVV Danayya) ఈ సినిమాకి నిర్మాత. ఈ సినిమా ఇప్పుడు మళ్ళీ విడుదల అయింది, విజయడంకా మోగిస్తోంది.
కొన్ని థియేటర్స్ లో అయితే అభిమానులు చొక్కాలు విప్పి మరీ డాన్స్ చేస్తూ తమ అభిమానాన్ని చాటుకుంటున్నారు. అల్లు అర్జున్ ఈ సినిమా లో సిక్స్ ప్యాక్ బాడీ చూపించటమే కాకుండా, #DesamuduruCelebrations పాటలన్నీ డాన్స్ లతో ఇరగదీసాడు. అందుకని అభిమానులు కూడా ఈ సినిమాలో పాటలు రాగానే చొక్కాలు ఇప్పి మరీ తమ అభిమానాన్ని చాటుకుంటున్నారు.
కొన్ని థియేటర్స్ లో అయితే ఈ సినిమాలోని పాటలు రెండో సారి కూడా వేస్తున్నారు. అభిమానుల కోరిక మేరకు థియేటర్ యాజమాన్యం ఈ సినిమాలోని పాటలను రెండో సారి వేస్తున్నారు, అభిమానులు ఆ పాటలకు గెంతుతున్నారు కూడా. హాలిడే లేని రోజే ఇలా వుంది అంటే, ఇంకా హాలిడే అయితే పరిస్థితి ఏంటి అని అభిమానులు అనుకుంటున్నారు.