Anasuya: ‘వూల్ఫ్’ టీజర్ విడుదల, ఇంకొక బోల్డ్ పాత్రలో అనసూయ
ABN , First Publish Date - 2023-08-03T17:49:39+05:30 IST
పాపులర్ యాంకర్, నటి అనసూయ ఇప్పుడు ఇంకొక బోల్డ్ పాత్రలో 'వూల్ఫ్' అనే సినిమాలో కనిపించనున్నారు. ఆ సినిమా టీజర్ ఈరోజు విడుదలైంది. అందులో అనసూయ పాత్ర వైవిధ్యంగా కనిపిస్తోంది. అలాగే ఇందులో ప్రభుదేవా, రాయి లక్ష్మి లు కూడా వైవిధ్యంగా కనిపిస్తున్నారు. టీజర్ ఆసక్తికరంగా వుంది.
తెలుగు నటి, యాంకర్, హోస్ట్, అనసూయ (Anasuya) ఇప్పుడు పాన్ ఇండియా సినిమాల్లో కూడా నటించి మెప్పించబోతోంది. ఇంతకు ముందు 'విమానం' #VImanam సినిమాలో ఒక బోల్డ్ పాత్ర చేసిన, అనసూయ ఇప్పుడు ‘వూల్ఫ్’ #Wolf అనే సినిమాలో ఇంకో బోల్డ్ పాత్రలో కనిపించబోతోంది అని అర్థం అవుతోంది. ఈ సినిమా టీజర్ ఈరోజు విడుదలైంది. ఇందులో అనసూయతో పాటు ప్రభుదేవా (PrabhuDeva), రాయ్ లక్ష్మీ (RaaiLaxmi)కూడా నటిస్తున్నారు.
వినూ వెంకటేష్ దర్శకత్వం వహించిన ఈ సినిమాకి సందేశ్ నాగరాజు, సందేశ్ ఎన్ నిర్మాతలు. ఇది ప్రభుదేవా కెరీర్‌లో 60వ సినిమాగా ఈ వూల్ఫ్ రాబోతోంది. ఈ సినిమా పాన్ ఇండియా సినిమాగా తమిళ, తెలుగు, కన్నడ , హిందీ భాషల్లో విడుదల చెయ్యడానికి సన్నాహాలు చేస్తున్నారు. ఇప్పుడు ఈ టీజర్‌ను కూడా అన్ని భాషల్లో విడుదల చేశారు.
ఈ 'వూల్ఫ్' టీజర్‌ను చూస్తే ఇది ఒక కథ అని అర్థం అవుతోంది, అలాగే అనసూయ ఇందులో ఇంకో కొత్త అవతారంలో కనబడబోతోంది అని కూడా తెలుస్తోంది. అలాగే ప్రభుదేవా కూడా కొత్త లుక్కులో బాగున్నాడు. అలాగే ఈ టీజర్ విజువల్స్ కూడా ఆసక్తికరంగా వున్నాయి. ఇలాంటి సినిమాలకి నేపధ్య సంగీతం బాగుంటునే విజువల్స్ చూడగలం, ఈ టీజర్ లో బ్యాక్ గ్రౌండ్ స్కోర్ కూడా నెక్ట్స్ లెవెల్‌లో ఉంది. తెలుగు ప్రేక్షకుల్లో అనసూయ కి చాలా క్రేజ్ వుంది, అందుకని ఆమె గెటప్, ఆమె ఎలాంటి పాత్ర చేస్తోంది అనే విషయం మీద ప్రేక్షకులకి ఈ టీజర్ చూసా సినిమా మీద ఆసక్తిని పెంచుతుంది. ఈ సినిమాకి అమ్రిష్ సంగీత దర్శకుడిగా పని చేశారు.