భయంపై ఉస్తాద్‌ గెలుపు

సింహ కోడూరి హీరోగా నటిస్తున్న చిత్రం ‘ఉస్తాద్‌’. ‘బలగం’ ఫేమ్‌ కావ్య కల్యాణ్‌రామ్‌ కథానాయిక. దర్శకుడు గౌతమ్‌ వాసుదేవ్‌ మీనన్‌ కీలకపాత్ర పోషిస్తున్నారు. త్వరలోనే ప్రేక్షకుల ముందుకు రానుంది. బుధవారం ఈ చిత్రం టీజర్‌ను రానా దగ్గుబాటి విడుదల చేశారు. వైమానిక దళ సాహసాల నేపథ్యంలో సాగే చిత్రమిది. హీరో తన భయాన్ని వదలి పైలట్‌గా ఎలా ఎదిగాడు, పాత బైక్‌ అతని జీవితాన్ని ఎలాంటి మలుపు తిప్పింది అనేది టీజర్‌లో ఆసక్తికరంగా అనిపించింది. ఈ చిత్రానికి ఫణిదీప్‌ దర్శకత్వం వహిస్తున్నాడు. అకీవా బి సంగీతం అందిస్తున్నారు.