టిల్లు... టికెట్‌ కొనకుండా

‘టిల్లు అన్న డీజే పెడితే...’ అంటూ ‘డీజే టిల్లు’ చిత్రంతో యువ ప్రేక్షకుల హృదయాలను కొల్లగొట్టారు సిద్ధు జొన్నలగడ్డ. ఇప్పుడు దీనికి సీక్వెల్‌గా ‘టిల్లు స్క్వేర్‌’ రూపొందుతోంది. ఈ చిత్రం నుంచి ‘టికెట్‌ కొనకుండా’ అంటూ సాగే గీతాన్ని యూనిట్‌ విడుదల చేసింది. సంగీత దర్శకుడు రామ్‌ మిరియాల స్వరపరిచి, ఆలపించారు. ఈ చిత్రంలో అనుపమా పరమేశ్వరన్‌ కథానాయిక. సాంగ్‌ ప్రోమోలో ఆమె లుక్‌, టిల్లుతో సంభాషణ చూస్తుంటే సినిమా సరికొత్త వినోదాన్ని అందించబోతోందని తెలుస్తోంది. మల్లిక్‌రామ్‌ దర్శకత్వంలో సూర్యదేవర నాగవంశీ నిర్మిస్తున్నారు.