మా ముగ్గురి మధ్య కెమిస్ట్రీ కుదిరింది

దినేశ్‌ తేజ్‌ హీరోగా నటించిన ‘అలా నిన్ను చేరి’ చిత్రం నేడు విడుదలవుతోంది. ఈ సందర్భంగా దినేశ్‌ మీడియాతో మాట్లాడుతూ చిత్ర విశేషాలు వెల్లడించారు.

• తొలిసారిగా కమర్షియల్‌ రోల్‌ పోషించా. అందరికీ నచ్చుతుందని భావిస్తున్నా. ప్రతి మధ్యతరగతి యువకుడికి ఎదురయ్యే సమస్యలను ఇందులో చూపించాం. ప్రేమ ముఖ్యమా, లక్ష్యం ముఖ్యమా అనేది చిత్ర ముఖ్యాంశం. ఈ పాయింట్‌ నచ్చే సినిమా చేయడానికి అంగీకరించా. మంచి చిత్రం చూశామనే ఫీలింగ్‌తో ప్రేక్షకులు థియేటర్‌ బయటకి వస్తారు.

• ఈ చిత్ర దర్శకుడు మాఽరేశ్‌ శివన్‌ ‘హుషారు’ చిత్రానికి ఆర్ట్‌ డైరెక్టర్‌గా పని చేశారు. ఆ సినిమా విడుదలైన ఏడాదికి నా దగ్గరకు వచ్చి ఈ కథ చెప్పారు. నచ్చి వెంటనే ఓకే చెప్పేశా.

• ఇందులో ఇద్దరు హీరోయిన్లు ఉన్నారు. హెబ్బా పటేల్‌ గురించి చెప్పనక్కరలేదు. అమె అద్భుతంగా నటించారు. హెబ్బా పాత్రతో ప్రేక్షకులు ఎక్కువగా కనెక్ట్‌ అవుతారు. పాయల్‌ నటన గురించి ప్రేక్షకులు ఇప్పుడు తెలుసుకుంటారు. మా ముగ్గురి మధ్య మంచి కెమిస్ట్రీ కుదిరింది.