కుటుంబం అంతా కలిసి చూడొచ్చు

కార్తిక్‌ రాజు, ప్రశాంత్‌ కార్తి, ఆమని, మిస్తి చక్రవర్తి కీలక పాత్రలు పోషించిన చిత్రం ‘అను’. సందీప్‌ గోపిశెట్టి దర్శక నిర్మాత. చిత్రీకరణ పూర్తయింది. వచ్చే నెలలో విడుదల చేస్తారు. ఈ సందర్భంగా బుధవారం హైదరాబాద్‌లో ఏర్పాటు చేసిన పాత్రికేయుల సమావేశంలో సీనియర్‌ నటి ఆమని మాట్లాడుతూ ‘‘చక్కటి సందేశాత్మక చిత్రమిది. కుటుంబం అంతా కలిసి చూడొచ్చు. చాలా రోజుల తరవాత ఓ మంచి పాత్ర చేశాను. కరోనా వల్ల కాస్త ఆలస్యమైనా దర్శకుడు చాలా బాగా తెరకెక్కించార’’న్నారు. ‘‘సీనియర్‌ నటీనటులంతా మా సినిమాలో కీలక పాత్రలు పోషించారు. వాళ్ల అనుభవం మాకు బాగా పనికొచ్చింది. మేం ఏదైతే అనుకొన్నామో, తెరపై అదే తీసుకొచ్చామ’’న్నారు దర్శకుడు.