భ్రమయుగం ముగించారు

మమ్ముట్టి కథానాయకుడిగా రూపొందుతున్న బహుభాషా చిత్రం ‘భ్రమయుగం’. రాహుల్‌ సదాశివన్‌ దర్శకత్వంలో నైట్‌ షిఫ్ట్‌ స్టూడియోస్‌ నిర్మిస్తోంది. భారీ అంచనాలతో రూపొందుతున్న ఈ చిత్రం షూటింగ్‌ పూర్తయింది. గురువారం నైట్‌షిఫ్ట్‌ సంస్థ ఈ విషయాన్ని తెలిపింది. ప్రస్తుతం నిర్మాణానంతర కార్యక్రమాలు జరుగుతున్నాయి. వచ్చే ఏడాది ‘భ్రమయుగం’ ప్రేక్షకుల ముందుకు రానుంది. త్వరలోనే ప్రచార కార్యక్రమాలు ప్రారంభించనున్నారు. చక్రవర్తి రామచంద్ర, ఎస్‌. శశికాంత్‌ నిర్మిస్తున్న ఈ చిత్రంలో అర్జున్‌ అశోకన్‌, సిద్ధార్థ్‌ భరతన్‌, అమల్దా లిజ్‌ ముఖ్యపాత్రలు పోషిస్తున్నారు. క్రిస్టో జేవియర్‌ సంగీతం అందిస్తున్నారు. సినిమాటోగ్రఫీ: షెహనాద్‌ జలాల్‌