రాజమౌళి షేక్స్పియర్ని తలపించారు
ABN, First Publish Date - 2023-02-13T00:47:14+05:30
హాలీవుడ్ స్టార్ డైరెక్టర్ జేమ్స్ కామెరూన్ మరోసారి రాజమౌళిని అభినందించారు. కామెరూన్ దర్శకత్వం వహించిన ‘టైటానిక్’ చిత్రం రీ రిలీజ్ అవుతోన్న సందర్భంగా...
హాలీవుడ్ స్టార్ డైరెక్టర్ జేమ్స్ కామెరూన్ మరోసారి రాజమౌళిని అభినందించారు. కామెరూన్ దర్శకత్వం వహించిన ‘టైటానిక్’ చిత్రం రీ రిలీజ్ అవుతోన్న సందర్భంగా ఆయన మీడియాతో ముచ్చటించారు. ‘ఆర్ఆర్ఆర్’ చిత్రం తనకు బాగా నచ్చిందని, ఇప్పటికే రెండు సార్లు చూశానని కామెరూన్ చెప్పారు. రాజమౌళి టేకింగ్, కథలో భావోద్వేగాలను పండించిన తీరు అద్భుతంగా ఉన్నాయని ప్రశంసించారు. ‘ఆర్ఆర్ఆర్’ చిత్రంలోని కొన్ని అంశాలు ఆలోచింపజేశాయనీ, కథనం విషయంలో రాజమౌళి షేక్స్పియర్ను తలపించారని అభినందించారు. ‘గోల్డెన్ గ్లోబ్ అవార్డుల వేడుకలో రాజమౌళిని కలిసినప్పుడు, ‘ఆర్ఆర్ఆర్’ చిత్రం గురించి వివరంగా మాట్లాడాలనుకున్నాను కానీ సమయం దొరకలేదు. ఈసారి వీలు చిక్కితే మరింత మాట్లాడాలనుందని’ కామెరూన్ అన్నారు.