పొలిమేర 2ను ప్రేక్షకులు ఆదరించాలి

‘మా ఊరి పొలిమేర’ చిత్రానికి సీక్వెల్‌గా రూపొందుతున్న సినిమా ‘మా ఊరి పొలిమేర 2’. సత్యం రాజేశ్‌, కామాక్షి భాస్కర్ల, బాలాదిత్య ముఖ్యపాత్రల్లో నటించారు. ఈ నెల 3న విడుదలవుతోంది. చిత్రబృందం ప్రీ రిలీజ్‌ ఈవెంట్‌ను నిర్వహించింది. అడివి శేష్‌, నిర్మాత ఎస్‌కేఎన్‌ ముఖ్య అతిథులుగా పాల్గొని సినిమా ఘన విజయం సాధించాలని ఆకాంక్షించారు. ఈ సందర్భంగా సత్యం రాజేశ్‌ మాట్లాడుతూ ‘మా సినిమాను వంద కోట్ల సినిమా అంత ధైర్యంగా విడుదల చేస్తున్నామంటే దానికి కారణం వంశీ నందిపాటి. ఈ చిన్న సినిమాను ప్రేక్షకులు ఆదరించాలి’ అని కోరారు. చిత్ర దర్శకుడు డాక్టర్‌ అనిల్‌ విశ్వనాథ్‌ మాట్లాడుతూ ‘‘పొలిమేర 2’ చిత్రంలో బడ్జెట్‌ పరంగా సహకరించిన మా నిర్మాతకు థాంక్స్‌. ఈ సినిమా రిజల్ట్‌ నాకు తెలుసు. త్వరలోనే సక్సె్‌సమీట్‌లో కలుద్దాం’ అన్నారు. టీమ్‌ అంతా చాలా క ష్టపడి అద్భుతమైన సినిమా తీశారని చిత్ర నిర్మాత గౌరికృష్ణ తెలిపారు.