Pandragastuna Pushpa 2 : పంద్రాగస్టున పుష్ప 2

‘తగ్గేదేల్యే..’ అంటూ బాక్సాఫీసు దగ్గర తన ప్రతాపం చూపించాడు అల్లు అర్జున్‌. ఆ నట విన్యాసానికి జాతీయ అవార్డు సైతం దక్కింది. ఇప్పుడు అందరి కళ్లూ ‘పుష్ప 2’పైనే ఉన్నాయి. పుష్పరాజ్‌ బాక్సాఫీసు దగ్గర ఎప్పుడు సందడి చేస్తాడా? అని అభిమానులు ఆసక్తిగా ఎదురు చూస్తున్నారు. వాళ్ల నిరీక్షణకు తెర దించుతూ చిత్రబృందం ‘పుష్ప 2’ విడుదల తేదీ ప్రకటించింది. 2024 ఆగస్టు 15న ఈ చిత్రాన్ని విడుదల చేయనున్నారు. సుకుమార్‌ దర్శకత్వంలో రూపుదిద్దుకొంటున్న ఈ చిత్రాన్ని మైత్రీ మూవీస్‌ నిర్మిస్తోంది. రష్మిక, సునీల్‌, ఫహద్‌ ఫాజిల్‌ కీలక పాత్రలు పోషించారు. దేవిశ్రీ ప్రసాద్‌ సంగీతాన్ని సమకూరుస్తున్నారు. ‘పుష్ప’తో పోలిస్తే రెండింతలు బడ్జెట్‌ కేటాయించారు. ఇప్పటికే బిజినెస్‌ డీల్స్‌ కూడా మొదలైనట్టు సమాచారం. ప్రస్తుతం హైదరాబాద్‌ పరిసర ప్రాంతాల్లో షూటింగ్‌ జరుగుతోంది.