ఓహో.. గులాబీ బాల

నందమూరి కల్యాణ్‌ రామ్‌ కథానాయకుడిగా నటిస్తున్న పిరియాడిక్‌ స్పై థ్రిల్లర్‌ ‘డెవిల్‌’. ది బ్రిటీష్‌ సీక్రెట్‌ ఏజెంట్‌ అనేది ఉపశీర్షిక. అభిషేక్‌ పిక్చర్స్‌ పతాకంపై అభిషేక్‌ నామా దర్శకత్వం వహిస్తున్నారు. ఈ చిత్రం నుంచి ‘దిస్‌ ఈజ్‌ లేడీ రోజ్‌’ అనే గీతాన్ని సోమవారం విడుదల చేశారు. హర్షవర్థన్‌ రామేశ్వర్‌ సంగీతాన్ని అందించారు. శ్రీహర్ష ఇమాని రాశారు. రాజకుమార్‌ ఆలపించారు. బాలీవుడ్‌ కథానాయిక ఎల్నాజ్‌ నోరౌజీ ఈ పాటలో ప్రత్యేక ఆకర్షణగా నిలవబోతున్నారు. శ్రీకాంత్‌ విస్సా ఈ చిత్రానికి కథ, మాటలు అందించారు. ‘‘కథలో కీలకమైన తరుణంలో వచ్చే పాట ఇది. రంగుల హరివిల్లులా ఈ పాటని తీర్చిదిద్దాం’’ అని చిత్రబృందం తెలిపింది.