చిరూతో సై అన్నారా?

‘సీతారామం’ చిత్రంలో కథానాయికగా తన అందం, అభినయంతో తెలుగు ప్రేక్షకుల హృదయాల్లో చెరగని ముద్ర వేశారు మృణాల్‌ ఠాకూర్‌. ప్రస్తుతం వరుస చిత్రాలతో జోరుమీదున్న ఈ ముద్దుగుమ్మ మరో అరుదైన అవకాశాన్ని అందుకున్నారని సమాచారం. చిరంజీవి కథానాయకుడిగా ‘బింబిసార’ ఫేం వశిష్ఠ ఓ చిత్రాన్ని తెరకెక్కిస్తున్నారు. ఇందులో మృణాల్‌ను హీరోయిన్‌గా ఎంపిక చేశారని పరిశ్రమ వర్గాల్లో వినిపిస్తోంది. ఈ చిత్రంలో నటన పరంగా ప్రాధాన్యం ఉన్న పాత్ర కావడంతో మృణాల్‌ అయితే బాగుంటుందని చిత్రబృందం భావిస్తోందట. మరి ఆమె ఈ చిత్రం అంగీకరించారా లేదా అనేది తెలియాలంటే కొద్ది రోజులు ఆగాల్సిందే.