మాసీ కాంబో.. మరోసారి!

హీరో రవితేజ, దర్శకుడు గోపీచంద్‌ మలినేని కాంబినేషన్‌కు తిరుగులేదు అని ఇంతకుముందు వచ్చిన ‘డాన్‌ శీను’, ‘బలుపు’, ‘క్రాక్‌’ చిత్రాలు నిరూపించాయి. ఇప్పుడు వీరిద్దరూ కలసి నాలుగోసారి పని చేయనున్నారు. ఈ మాసీ కాంబోలో మైత్రీ మూవీ మేకర్స్‌ సంస్థ ఓ భారీ చిత్రాన్ని నిర్మించనుంది. వాస్తవ సంఘటనల ఆధారంగా యూనిక్‌, పవర్‌ఫుల్‌ కథతో ఈ సినిమా రూపుదిద్దుకోనుంది. ‘బ్లాస్టింగ్‌ అప్‌డేట్స్‌ కోసం సిద్ధంగా ఉండండి’ అని మేకర్స్‌ బుధవారం ప్రకటించారు. ఇందులో సెల్వ రాఘవన్‌ కీలక పాత్ర పోషించనున్నట్లు వెల్లడించి, ఆయన పోస్టర్‌ను విడుదల చేశారు. తమన్‌ సంగీతం సమకూరుస్తున్న ఈ చిత్రానికి ఇటీవల ‘జవాన్‌’ చిత్రానికి పని చేసిన ఛాయాగ్రాహకుడు జీకే విష్ణు డీవోపీగా వర్క్‌ చేస్తారు. ఇంతవరకూ పోషించని ఓ విభిన్న పాత్రలో రవితేజ కనిపించే ఈ చిత్రానికి నిర్మాతలు: నవీన్‌ యర్నేని, వై.రవిశంకర్‌