మట్కా కోసం లుక్‌ టెస్ట్‌
ABN, First Publish Date - 2023-08-17T04:06:40+05:30
వరుణ్‌తేజ్‌ నటిస్తున్న తొలి పాన్‌ ఇండియా మూవీ ‘మట్కా’ ప్రీ ప్రొడక్షన్‌ కార్యక్రమాలు జోరుగా సాగుతున్నాయి. ‘పలాస’ చిత్ర దర్శకుడు కరుణకుమార్‌ దర్శకత్వంలో మోహన్‌ చెరుకూరి, డాక్టర్‌ విజయేందర్‌రెడ్డి తీగల భారీ స్థాయిలో నిర్మించనున్నారు...
వరుణ్‌తేజ్‌ నటిస్తున్న తొలి పాన్‌ ఇండియా మూవీ ‘మట్కా’ ప్రీ ప్రొడక్షన్‌ కార్యక్రమాలు జోరుగా సాగుతున్నాయి. ‘పలాస’ చిత్ర దర్శకుడు కరుణకుమార్‌ దర్శకత్వంలో మోహన్‌ చెరుకూరి, డాక్టర్‌ విజయేందర్‌రెడ్డి తీగల భారీ స్థాయిలో నిర్మించనున్నారు. ఈ సినిమాలో బాలీవుడ్‌ హీరోయిన్‌ నోరా ఫతేహి ఒక కథానాయికగా నటిస్తున్నారు. 1958-62 మధ్య కాలంలో జరిగే కథ ఇది. ఇందులో వైజాగ్‌ యువతిగా నోరా నటించనున్నారు. లుక్‌ టెస్ట్‌ కోసం, పాత్ర ప్రిపరేషన్‌ కోసం నోరా హైదరాబాద్‌ వచ్చారు. మూడు రోజుల పాటు ఇక్కడే ఆమె టీమ్‌తో ఉంటారు. ఈ సినిమాలో మరో హీరోయిన్‌గా మీనాక్షి చౌదరి నటించనున్నారు. నవీన్‌చంద్ర, కన్నడ కిశోర్‌ కీలక పాత్రలు పోషించనున్నారు.