జవాన్‌ రెడీ

‘పఠాన్‌’ చిత్రంతో బాక్సాఫీసు దగ్గర కాసుల వర్షం కురిపించి సత్తా చాటారు బాలీవుడ్‌ కథానాయకుడు షారూఖ్‌ఖాన్‌. ఈసారి ‘జవాన్‌’ చిత్రంతో ఆయన ప్రేక్షకుల ముందుకొస్తున్నారు. తమిళ దర్శకుడు అట్లీ తెరకెక్కించిన ఈ చిత్రంలో నయనతార కథానాయిక. గౌరీ ఖాన్‌ నిర్మాత. సెప్టెంబర్‌ 7న ప్రపంచవ్యాప్తంగా పలు భాషల్లో విడుదల చేస్తున్నారు. బుధవారం ఈ చిత్రం సెన్సార్‌ కార్యక్రమాలు పూర్తయ్యాయి. యు/ఎ సర్టిఫికెట్‌ను సెన్సార్‌బోర్డ్‌ జారీ చేసింది. కొన్ని వివాదాస్పద డైలాగ్స్‌, అభ్యంతరకర సన్నివేశాలను తొలగించాలని సెన్సార్‌బోర్డ్‌ చెప్పింది. 2.49 గంటల నిడివి ఉన్న ఈ చిత్రంలో మొత్తం ఏడు చోట్ల మార్పులు చేయాలని సూచించింది. ఈ చిత్రంలో విజయ్‌సేతుపతి ప్రతినాయకుడి పాత్రను పోషిస్తున్నారు. ప్రియమణి, సన్యామల్హోత్రా కీలకపాత్రలు పోషిస్తున్నారు. దీపికా పదుకొణె అతిథి పాత్రలో అలరించనున్నారు. యాక్షన్‌ ప్రధానంగా రూపొందుతున్న ఈ చిత్రానికి ఆరుగురు యాక్షన్‌ డైరెక్టర్లు పనిచేశారని యూనిట్‌ తెలిపింది.