దీపావళికి జపాన్‌ టపాకా

కార్తి హీరోగా నటించిన చిత్రం ‘జపాన్‌’. అను ఇమ్మానియేల్‌ కథానాయిక. సునీల్‌, విజయ్‌ మిల్టన్‌ కీలక పాత్రలు పోషించారు. ఎస్‌.ఆర్‌.ప్రకాశ్‌ బాబు, ఎస్‌.ఆర్‌. ప్రభు నిర్మాతలు. రాజు మురుగన్‌ దర్శకత్వం వహించారు. దీపావళికి ఈ చిత్రాన్ని విడుదల చేస్తున్నట్టు చిత్రబృందం ప్రకటించింది. ‘‘వరుస విజయాలతో దూసుకుపోతున్న కార్తి కెరీర్‌లో ‘జపాన్‌’ ఓ ప్రత్యేక చిత్రంగా నిలిచిపోతుంది. తన పాత్ర చిత్రణ సినిమాకే హైలెట్‌. కథలో ట్విస్టులు ఆకట్టుకొంటాయి. మాస్‌కి, క్లాస్‌కి కావల్సిన అన్ని హంగులూ ఈ చిత్రంలో ఉన్నాయి. త్వరలోనే టీజర్‌ విడుదల చేస్తామ’’న్నారు నిర్మాతలు. సంగీతం: జి.వి.ప్రకాశ్‌ కుమార్‌.