పోరాట ఘట్టాల్లో

సుమన్‌, గరీమా చౌహాన్‌ హీరో హీరోయిన్లుగా పరిచయమవుతున్న చిత్రం ‘సీతా కల్యాణ వైభోగమే’. సతీశ్‌ పరమవేద దర్శకత్వంలో రాచాల యుగంధర్‌ నిర్మిస్తున్నారు. భారీ యాక్షన్‌ సీక్వెన్స్‌తో పాటు మంచి ఫ్యామిలీ ఎమోషన్స్‌తో ఈ చిత్రం తెరకెక్కిస్తున్నారు. ఈ సినిమా చివరి షెడ్యూల్‌ పోచంపల్లి పరిసర ప్రాంతాల్లో మొదలైంది. నల్లమల అటవీ ప్రాంతంలో వందమంది ఫైటర్లతో భారీ యాక్షన్‌ సన్నివేశాలు చిత్రీకరిస్తున్నారు. దసరా సందర్భంగా ఈ చిత్రాన్ని విడుదల చేయనున్నట్లు నిర్మాత తెలిపారు. గగన్‌ విహారి, నాగినీడు, శివాజీరాజా, రచ్చరవి కీలకపాత్రలు పోషిస్తున్నారు. సంగీతం: చరణ్‌ అర్జున్‌. సినిమాటోగ్రఫీ: ప్రవీణ్‌ వనమాలి