ఆ ఒక్క ఓటు కావాలంటే...?
ABN , First Publish Date - 2023-10-15T04:01:04+05:30 IST
సంపూర్ణేష్‌ బాబు, వికె.నరేశ్‌, శరణ్య ప్రదీప్‌ ప్రధాన పాత్రలు పోషించిన చిత్రం ‘మార్టిన్‌ లూథర్‌ కింగ్‌’. పూజ కొల్లూరు దర్శకత్వం వహించారు. ఎస్‌.శశికాంత్‌, చక్రవర్తి రామచంద్ర నిర్మాతలు...
సంపూర్ణేష్‌ బాబు, వికె.నరేశ్‌, శరణ్య ప్రదీప్‌ ప్రధాన పాత్రలు పోషించిన చిత్రం ‘మార్టిన్‌ లూథర్‌ కింగ్‌’. పూజ కొల్లూరు దర్శకత్వం వహించారు. ఎస్‌.శశికాంత్‌, చక్రవర్తి రామచంద్ర నిర్మాతలు. ఈనెల 27న విడుదల కానుంది. ఈ సందర్భంగా నిర్మాతలు మాట్లాడుతూ ‘‘ఇదో పొలిటికల్‌ డ్రామా. మార్టిన్‌ లూధర్‌ కింగ్‌ చెప్పులు కుట్టుకొనే వ్యక్తి. తన ఊర్లో ఎన్నికలు వస్తాయి. గెలుపోటములు నిర్ణయించే శక్తి మార్టిన్‌ ఓటుకు వస్తుంది. ఆ సమయంలో అతని జీవితం ఎలాంటి మలుపులు తిరిగిందో ఆసక్తికరం. ఈనెల 18న ట్రైలర్‌ విడుదల చేస్తున్నామ’’న్నారు. ఈ చిత్రానికి స్ర్కీన్‌ ప్లే, డైలాగ్స్‌: వెంకటేశ్‌ మహా.